आगामी वर्ष २०७७ को चैत महिनामा पार्टीको महाधिवेशन गर्ने प्रस्ताव नेपाल कम्युनिस्ट पार्टी (नेकपा) केन्द्रीय कमिटी बैठकमा पेश भएको छ । 

बुधवारदेखि काठमाडौंमा शुरू भएको केन्द्रीय कमिटी बैठकमा अध्यक्ष पुष्पकमल दाहाल प्रचण्डले चैतको २५ देखि ३० गतेसम्म महाधिवेशन गर्न प्रस्ताव गरेका हुन् । 

अध्यक्षद्वयका तर्फबाट प्रचण्डले पेश गरेको प्रतिवेदनमा २०७७ भदौदेखि मंसिरसम्म सबै स्थानीय तह, जिल्ला र प्रदेशको अधिवेशन गर्ने र चैतमा राष्ट्रिय महाधिवेशन गर्ने उल्लेख छ ।