२६ जेठ २०८३, मंगलबार
चीनमा हजारौं वर्षमा आउने दिन पर्खेर बसेका प्रेमी कोरोना भाइरसका कारण निराश बन्न पुगेका छन् । यस भाइरसले चीनको अर्थतन्त्रका साथै समाजिक क्षेत्रमा ठूलो धक्का पुर्याएको छ ।
मुसा वर्ष आरम्भसँगै यो भाइरसलेउग्र रूप लिंदा चिनियाँको नयाँ वर्ष र वसन्त चाढ निरस बन्नपुगेको छ । गत जनवरी २४ तारिख चीनको परम्परागत पात्रोअनुसार चिनियाँहरूको नयाँवर्षको पूर्वसन्ध्या थियो ।
चिनियाँका लागि यो दिन पारिवारिक पुनर्मिलनको दिन थियो ।
वुहान शहरमा भेटिएको नोबल कोरोना भाइरसले चिनियाँको योजना एक्कासि प्रभावित बन्न पुग्यो । यो भाइरसको फैलावटबाट बच्न र रोकथाम गर्नका लागि आम चिनियाँले घर फर्किने योजनाका साथै देश बाहिर तथा भित्र घुम्ने योजना पनि रद्द गरे । भाइरस र रोगको प्रतिरोध गर्नका खातिर निर्धारित यात्रा मात्रै रद्द गरेका छैनन्, भाइरसको फैलावट हुन नदिन सरकारको आदेशको पालना गर्दै घरभित्रै बसेका छन् ।
यसैबीच् हजारौं चिनियाँ प्रेम जोडीको विवाग गर्ने सपना पनि भताभुंग भएको छ । सन् २०२० फेब्रअरी २ तारिखका दिन प्रेम जोडीले हजार वर्षमा एकपटक भेटिने उक्त दिनलाई आफ्नो विवाहका लागि शुभ दिनच छनोट गरेका थिए । एक त यो मिति २०२० –०२–०२ अद्भुत देखिन्छ । अगाडिबाट वा पछाडिबाट एकै बुझाउँछ, त्यसमाथि चिनियाँमा समध्वनि शब्द निकै प्रचलित छन् । अन्नपूर्ण पोस्टमा खबर छ ।
