उत्तरी छिमेकी मुलुक चीनमा कोरोना भइरसको संक्रमण फैलिएपछि नेपालमा पनि चिन्ता र चासो व्यक्त भइरहेको छ ।

चीनलाई समेत आच्छुआच्छु पारेको कोरोना भाइरस नेपाल छिरेमा त्यसले स्थिति भयावह बनाउने चिन्ता आमनागरिकमा पाइन्छ ।

कोरोना भाइरस संक्रमणको जोखिम कति छ नेपालमा ? हेर्नुहोस्, चिकित्सकको निष्कर्ष र सुझाव : 

– सवा अर्ब जनसंख्या भएको चीनमा ३५० जनाको मृत्यु हुनु कम क्षति हो । कोरोना संक्रमणबाट मृत्यु भएका अधिकांश व्यक्ति बुढाबूढी, क्यान्सरजस्ता दीर्घ रोग लागेका तथा रोगप्रतिरोधात्मक क्षमता कम भएका व्यक्ति छन् ।

– कोरोना संक्रमणबाट अस्पताल भर्ना भएका बिरामीहरू सञ्चो हुँदै फर्किने क्रम जारी छ ।

– कोरोना भाइरस कमजोर खालको भाइरस प्रमाणित भएको छ । यसको मृत्युदर १– २ % मात्र छ ।

– यसको औषधि तथा खोपको लागि अनुसन्धान भइरहेको छ ।

– यो भाइरस गर्मी शुरू भएपछि नियन्त्रण हुने चीनको विश्वास छ ।

– कोरोना भाइरसको कारण सयौंको मृत्यु भयो, हजारौं संक्रमित भए तर करोडौं व्यक्तिहरू चिन्ताग्रस्त छन् ।

– कोरोनाले भन्दा कोरोनाको कारण भइरहेको चिन्ता, तनाब, असुरक्षा महसूसजस्ता मानसिक असरले दीर्घरोगी वृद्धि हुने तथा मृतकको संख्या बढ्ने देखिएको छ ।

– हामीकहाँ पाइने मास्कले कोरोनाको संक्रमण रोक्दैनन् । कोरोना भाइरस टाउको, मास्कको बाहिरी भाग, कपडा, झोला, जुत्ता, हात आदि हुँदै घरघरमा फैलिन सक्छ ।

– हाम्रा केही बानीको कारण कोरोना संक्रमणको जोखिम उच्च छ । मान्छेतिर फर्केर खोक्ने, हाच्छ्यु गर्ने, औंलालाई मुख – नाक – आँखा – कानतिर लैजाने, हात नधोइ खानेकुरा समाउने – खाने आदि ।

– कोरोना संक्रमणबाट बच्ने एउटा उपाय छ, त्यो हो – खल्तीमा, ब्यागमा ह्याण्ड स्यानिटाइजर वा अल्कोहल कन्टेन्ट स्यानिटाइजर राख्ने, त्यसले पटक–पटक हात सफा गर्ने । साबुन पानीले हात धोएर मात्र खाना खाने ।

डा. रवीन्द्र पाण्डे, जनस्वास्थ्य विज्ञ