माछापुच्छ्रे बैंकले नेपालको बैंकिङ प्रणालीमा देखिएको लगानीयोग्य पुँजी (तरलता) अभावको समस्यालाई मध्यनजर गर्दै दुबईस्थित माश्रिक बैंकबाट १० मिलियन अमेरिकी डलर अर्थात रु. १ अर्ब भन्दा बढी पैसा नेपाल भित्र्याएको छ । 

यसअघि दुबईस्थित माश्रिक बैंकबाट नेपालमा रकम भित्र्याउन गरेको सम्झौता अनुरूप नेपाल राष्ट्र बैंकको स्वीकतिपश्चात माछापुच्छ्रे बैंकले १० मिलियन अमेरिकी डलर अर्थात रु. १ अर्ब भन्दा बढी पैसा नेपाल भित्र्याएकोे हो । 
नेपाल राष्ट्र बैंकले कुल प्राथमिक पूँजीको शतप्रतिशत रकम विदेशबाट ऋण ल्याएर नेपालमा लगानी गर्न पाइने व्यवस्था गरेको छ । 

यही व्यवस्थाअनुसार माछापुच्छ्रे बैंकले विदेशबाट पैसा ल्याउने प्रक्रिया थालेको थियो ।

उक्त रकम कृषि, ऊर्जा, पर्यटन, साना तथा मझौला व्यवसाय लगायतका अन्य विभिन्न प्राथमिकताका क्षेत्रमा लगानी गर्ने माछापुच्छ्रे बैंकले जनाएको छ ।