सरकारले समस्याग्रस्त सहकारी संस्था वा संघको व्यवस्थापन समितिको अध्यक्षमा उच्च अदालतका पूर्वन्यायाधीश श्रीमणकुमार गौतमलाई नियुक्त गर्ने निर्णय गरेको छ । बिहीबार बसेको मन्त्रिपरिषद्को बैठकले यस्तो निर्णय गरेको हो । 

यस्तै बैठकले जापानी परराष्ट्रमन्त्री कामीकावा वोको वैशाख २३ गते हुन लागेको नेपाल भ्रमणको अवसरमा हुने द्धिपक्षीय वार्ताका लागि नेपाली प्रतिनिधिमण्डल गठन गरी वार्ता गर्ने अख्तियारी दिने निर्णय गरेको छ । साथै उक्त द्धिपक्षीय वार्ताका लागि कार्यसूचि स्वीकृत गर्ने पनि निर्णय भएको सरकारकी प्रवक्तासमेत सूचना तथा सञ्चार प्रविधिमन्त्री रेशा शर्माले जानकारी दिइन् । 

यसैगरी मन्त्रिपरिषद्को बैठकले वैशाख २८ गते शुक्रबारका लागि संघीय संसद्को दुवै सदनको बजेट अधिवेशन आह्वान गर्न राष्ट्रपतिसमक्ष सिफारिस गरेको थियो । 

सिफारिसलगत्तै राष्ट्रपति रामचन्द्र पौडेलले अधिवेशन आह्वान गरिसकेका छन् ।