काठमाडौं २ पुस–नेकपा एमालेका अध्यक्ष केपी शर्मा ओलीले वर्तमान कामचलाउ सरकारले राष्ट्रिय सभाको सदस्य सिफारिश गर्न नमिल्ने बताएका छन् ।

नयाँ सरकार गठन भएपछि मात्र राष्ट्रिय सभा गठन हुने पहिलेको अभ्यास रहेको उनले बताए । 

वामपन्थी गठबन्धनले सोमवार काठमाडौंमा आयोजना गरेको पत्रकार सम्मेलनमा अध्यक्ष ओलीले राष्ट्रिय सभाको अडचन देखाएर सरकार गठनमा अबरोध गर्न नमिल्ने बताएका हुन् ।

‘सरकारको सिफारिश भनेको आउट गोइङ सरकारको सिफारिशमा होइन, नयाँ बन्ने सरकारले सिफारिश गर्ने हो, यो नै अन्तराष्ट्रिय अभ्यास हो’ ओलीले भने । 

अध्यक्ष ओलीले प्रतिनिधि सभा र राष्ट्रिय सभामा महिलाको उपस्थिती एकतिहाइ हुने आधार रहेको बताए । राष्ट्रिय सभाको गठन बिधी फरक भएकोले प्रतिनिधि सभालाई सरकार गठनमा बाधा गर्न नमिल्ने बताए ।