काठमाडौं, २५ पुस — सन् २०१० मा रब लङ बेलायती सैनिकका रूपमा अफगानिस्तानमा तैनाथ थिए । त्यतिखेर एउटा बम विस्फोटमा उनको दृष्टि गुम्यो । त्यतिखेर उनको उमेर जम्मा २३ वर्ष थियो ।

अहिले उनले नक्कली आँखा हालेको भएपनि उनी देख्न सक्दैनन् । 

जवानीमै दृष्टि गएपछि रबले हिम्मत गुमाएनन् । उनले संसार हेर्ने अद्वितीय तरिका खोजे । त्यसका लागि उनले फोनको सहारा लिए । 
 

Breaking in the @RDXSports L7 Crown Weightlifting gloves. Santa really got the stocking present right this year. #100kg #BlindSport #MissionSubmission #RoadToADCC #NoExcuses #TrainHardFightEasy pic.twitter.com/QjPWfXEpDM

---

Advertisment

— Rob Long (@_Red_Long) December 29, 2017

रबले ट्विटरमा मानिसहरूसँग सुझाव मागे । अन्धाहरूले ट्विटरको उपयोग कसरी गर्न सक्छन् भनी उनले सुझाव मागेका थिए । ट्वीटमा धेरै मानिसले प्रतिक्रिया दिए । उनको ट्वीट भाइरल भयो । 

रब भन्छन्, ‘ट्विटरमा तस्वीर राखेर उक्त तस्वीरको बारेमा केही लेख्दा धेरै मानिसकहाँ पुग्छ । केही शब्द जोड्दा मात्र पनि तपाईं उक्त तस्वीर देख्न सक्नुहुन्छ, त्यसमा कुरा गर्न सक्नुहुन्छ र कमेन्ट गर्न सक्नुहुन्छ ।’

रबले आफ्नो फोनमा यस्ता एप इन्स्टल गरेका छन् जसले आवाजको आधारमा तस्वीर खिच्न सकिन्छ । उनी भन्छन्, ‘म खाना बनाइरहँदा अनेक किसिमका मसला प्रयोग गर्छु । मसलाको बोतलको आकार लगभग एकसमान हुन्छ ।

त्यतिखेर म एक एपको सहायताले बोतलको तस्वीर खिच्छु । तस्वीर खिचेपछि त्यसको लेबलमा जे लेखिएको हुन्छ त्यसको अडियो मलाई सुनाइदिन्छ । अनि म त्यसैको आधारमा एक्लै खाना बनाउँछु । यसले गर्दा मेरो काम सहज हुन्छ
र मैले अन्य कुरामा ध्यान दिन पाउँछु ।’

रब भन्छन्, ‘ट्विटरबाट मैले पाएको सहयोगबाट साबित हुन्छ, संसारमा धेरै मानिसले ससानो प्रयासमार्फत जीवनमा परिवर्तन ल्याउन सकिन्छ ।’

 

Most of my life is spent methodically poking the world with my white cane trying to navigate my environment. Martial Arts set me free. This is how I move, this is who I am, the Dojo is my home. pic.twitter.com/XTiatB1Ueg

— Rob Long (@_Red_Long) December 26, 2017

बीबीसीबाट