काठमाडौं, १५ माघ- एनएमबि बैंकले आ.व.२०७४÷७५ को दोस्रो त्रैमासिक वित्तीय विवरण प्रकाशित गरेको छ । वित्तीय विवरणअनुसार एनएमबि बैंकले अघिल्लो आर्थिक वर्षको समिक्षा अवधिमा भन्दा खुद मुनाफामा ४३ प्रतिशत भन्दा बढिले वृद्घि गरी रु. १ अर्ब कटाउन सफल भएको छ । 

त्यसैगरी बैंककोे आ.व.२०७४÷७५ मा निक्षेप रु.८ दशमलव ६ अर्ब तथा कर्जा ६ दशमलव ६ अर्बले बढाएको छ । उच्च विक्तिय प्रगति प्रर्दशन गर्दै हाल बैंकको निक्षेप ८०.५५ अब पुगेको छ भने कर्जा ७० दशमलव ९३ अर्ब पुगेको छ । यस अवधिमा बैंकले आप्नो निश्कृय कर्जालाई १ दशमलव ६७ % बाट झारेर १ दशमलव २० प्रतिशतमा पु¥याएको छ । 

समिक्षा अवधिमा बैंकले उल्लेखनीय प्रगति हासिल गरेको छ ।  सन् २०१७ नेपालको लागि बैंक अफ द यियर तथा फ्रोष्ट एण्ड सुलिभन इन एशोसिएसन विथ द कन्फिडेरेसन अफ नेप्लिज् इण्डष्ट्रिज (सिएनआइ) बाट सर्टिफिकेट अफ मेरिट (नेपाल बिजनेस एक्सलेन्स अवार्ड २०१७)  समेत प्राप्त गरेको छ ।

हाल एनएमबि बैंकको ९३ वटा शाखा, ४ वटा एक्सटेन्सन काउन्टर र ८७ वटा एटिएमहरुबाट सेवा प्रदान गर्दै आएको छ ।