काठमाडौं, ८ फागुन– नेकपा माओवादी केन्द्रका अध्यक्ष पुष्पकमल दाहाल प्रचण्डको भाषामा भन्ने हो भने नेकपा एमालेसँग एकताका लागि विगत पाँच वर्षदेखि घनिभूत छलफल भइरहेको थियो । र, त्यसैको परिणाम स्वरुप दुई पार्टी एकीकृत भई नेपाल कम्युनिस्ट पार्टी बनेको छ । 

कम्युनिस्ट आन्दोलनमा यो एकीकरणलाई निकै महत्त्वका साथ हेरिएको छ । हुन त कम्युनिस्ट पार्टीहरुको स्थापना र विभाजनको लामो फेहरिस्त छ । कम्युनिस्ट पार्टी स्थापना भएदेखि नै विभिन्न धारमा विभिाजित भएको देखिन्छ । 

रायमाझी धार, तुलसीलाल धार, मनमोहन धार, मोहनविक्रमधार, पुष्पलाल धार हुँदै एमाले धार र माओवादी धारको जन्म भएको हो । यी सबै धार एकअर्कामा विलीन हुँदै अहिले एमाले धार र माओवादी धारको मिलन भएको छ, गोरखापत्रमा खबर छ ।