काठमाडौं, ८ चैत– जिम्बाबे एकदिवसीय विश्वकप क्रिकेटमा सहभागी हुन पाउने/नपाउने विषयको टुंगो आज लाग्दैछ । युएईसँगको खेलपछि जिम्बाबे सहभागी हुने/नहुने छिनोफानो हुने छ ।

जिम्बाबेमा जारी एकदिवसीय विश्वकप छनोट क्रिकेट अन्तर्गत सुपर लिगको आफ्नो अन्तिम खेलमा घरेलु टोली जिम्बाबेले युएईसँग प्रतिस्पर्धा गर्न लागेको हो । हरारे स्पोर्टस् क्लबको मैदानमा नेपाली समयानुसार दिउँसो सवा १ बजे हुने खेलको निर्णयले घरेलु टोलीको भाग्य निर्धारण गर्नेछ । 

युएईलाई हराउन सके जिम्बाबे अंकतालिकाको दोस्रो स्थानमा रहँदै विश्वकपका लागि छनोट हुनेछ । युएई विजयी भए, जिम्बाबेको यात्रा समाप्त हुनेछ । 

यस्तो समिकरण आए भोली हुने अफगानिस्तान र आयरल्याण्डबीचको खेल निर्णायक हुनेछ । जिम्बाबेको हारले अन्तिम खेलको बिजेता बिश्वकप क्रिकेटका लागि छनोट हुनेछ ।