काठमाडौं, ६ बैशाख -  - हिंसात्मक द्वन्द्वमा फसको सिरियामा रेहेका नेपाली महिला घरेलु कामदार (हाउससमेड) ले स्वदेश फर्कन अनिच्छा देखाएका छन् ।

कान्तिपुर दैनिक लेख्छ- सिरिया मामिला हेर्ने इजिप्टस्थित नेपाली दूतावासका अनुसार खोजी क्रममा  सम्पर्कमा आएका उनीहरुले तत्काल स्वदेश फर्कन नचाहेका हुन् । 

सिरियाली द्वन्द हिंसात्मक बन्न थालेपछि परिवारजनको अनुरोधमा उनीहरको उद्धार गर्न कन्सुलर विभागले इजिप्टस्थित नेपाली दूतावासलाई २० जनाको विवरणसहित नामावली पठाएको थियो । 

दूतावासका प्रवक्ता सुजन बिडारीले भने,'-उद्धार गर्न भनिएका महिलालाई सम्पर्क गरेका थियौं । तर, उनीहरुले आफूलाई समस्या नभएको भन्दै फर्किन मन गरेनन् ।'