काठमाडौं, ८ वैशाख– भारतीय प्रधानमन्त्री नरेन्द्र मोदी नेपाल भ्रमणमा आउने भएका छन् । उनी आउँदो मे ११ अर्थात यही वैशाख २८ गते नेपाल आउन लागेका हुन् ।

भारतीय सञ्चारमाध्यम हिन्दुस्तान टाइम्सका अनुसार प्रधानमन्त्री मोदी काठमाडौं र जनकपुरको भ्रमण गर्ने तयारीमा छन् । यसपटक मोदी नेपाल आएकै दिन जनकपुर जाने स्रोतलाई उद्धृत गर्दै हिन्दुस्तान टाइम्सले जनाएको छ ।

गएको चैत २३ देखि २५ सम्म भएको भारत भ्रमणका क्रममा प्रधानमन्त्री केपी शर्मा ओलीले मोदीलाई नेपाल भ्रमणको निम्तो दिएका थिए । मोदीको यसपटकको नेपाल भ्रमण उनी सत्तामा आएदेखि तेस्रो हुनेछ ।