डोटी, ९ वैशाख– डोटीमा शनिबार दिउँसो भएको जीप दुर्घटनामा मृत्यु हुनेको संख्या ५ पुगेको छ । 

दिपायलबाट शिखर नगरपालिका–३ जोरागाउ जान लागेको ग १ ख ५२७५ नम्बरको बोलेरो जीप दुर्घटनामा परेको हो । 

शैलेस्वरी अस्पतालबाट थप उपचारका लागि नेपालगञ्जतर्फ लैजाँदै गर्दा थप दुई जनाको बाटोमा नै मृत्यु भएको हो । 

मृत्यु हुनेमा शिखरनगरपालिका ८ लाटामाडौं बस्ने वर्ष ३५ की झाकरी भुल तथा त्यही नगरपालिका ३ बस्ने वर्ष २८ की धौलीदेवी भुल छन् । 

यसअघि हिजो दिउँसो घटनास्थलमा नै तीन जनाको मृत्यु भएको थियो ।