काठमाडौं, ११ जेठ – मलेसियाका पूर्वप्रधानमन्त्री नजीब रजाकविरुद्ध भ्रष्टाचारको आरोपमा प्रहरी कारवाही जारी छ । मलेसियाली प्रहरीका अनुसार, रजाकको एक विलासी अपार्टमेन्टमा छापा मारेर लगभग ३२७ करोड रुपैयाँ बरामद गरिएको बताएको छ । 

त्यहाँबाट २८४ वटा बाक्साहरू पनि बरामद गरिएको थियो । ती बाक्साहरूमा डिजाइनर झोलाहरू, ती झोलामा नगद अनि महंगा घडीहरू प्रहरीले भेट्यो । 

मे महिनाको शुरुआतमा मलेसियाको आमनिर्वाचनको परिणाम घोषणा भएको थियो । त्यसमा रजाकको पार्टीले हार बेहोरेको थियो । पूर्व प्रधानमन्त्री महाथिर मोहम्मदको नेतृत्वमा रहेको नेसनल फ्रन्ट गठबन्धनले विजय प्राप्त गरेको थियो । त्यसपछि मलेसियाली प्रहरीले रजाकविरुद्ध कारवाही शुरु गरेको थियो । 

रजाकको घरबाट बरामद गरिएका सामान बोक्नका लागि प्रहरीलाई पाँच ट्रक बोलाउनुपरेको थियो ।

प्रहरीको आर्थिक अपराध प्रमुख अमर सिंहका अनुसार, उनको घरमा २६ देशका मुद्राहरू फेला परेका छन् । 

नजीब रजाकलाई देश छोडेर जान प्रतिबन्ध लगाइएको छ ।

एजेन्सी