सुर्खेत, १२ जेठ– सुर्खेतमा जारी कर्णाली प्रिमियर लिग (केपीएल) टि–ट्वेण्टी क्रिकेटको उपाधिका लागि शनिबार त्रिभुवन आर्मी क्लब र रुपन्देही– ११ बीच प्रतिस्पर्धा हुँदैछ । 

फाइनल खेल साढे ९ बजेदेखि सुर्खेत रंगशालामा शुरु हुँदैछ । शुक्रबार भएको दोस्रो सेमिफाइनलमा धनगढी क्रिकेट एकेडेमीलाई ८ विकेटले पराजित गर्दै विनोद भण्डारीको कप्तानीमा रहेको आर्मीले शक्ति गौचनको कप्तानीमा रहेको रुपन्देहीसँग भेट पक्का गरेको हो ।

शुक्रबार नै भएको पहिलो खेलमा मध्यपश्चिम क्रिकेट क्लबलाई पराजित गर्दै रुपन्देही– ११ ले फाइनलमा स्थान बनाएको थियो ।