कात्तिक २४, २०८०
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
काठमाडौं, २७ जेठ –नेपालमा २०४५ सालदेखि हुने सुन तस्करीको मुद्दा अहिले जिल्ला अदालत मोरङमा विचाराधीन अवस्था छ । सुन तस्करीका मुख्य नाइके भनिएका चूडामणि उप्रेती (गोरे) सहित बहालावाला वरिष्ठ प्रहरी अधिकारी गरी ३१ जना अभियुक्त पुर्पक्षका लागि थुनामा छन् ।
मोरङ जिल्ला अदालतमा गत वैशाख १९ गते ६३ जनाविरुद्ध दर्ता गरिएको मुद्दासँग सम्बन्धित अन्य व्यक्ति पक्राउ पर्ने क्रम अझै पनि जारी छ । सुन तस्करी प्रकरणमै मंगलवार (जेठ २२ गते) मात्रै राम तिवारी पक्राउ परेका छन् ।
दक्षिण कोरियाबाट ‘उपचार’ गरेर फर्किंदै गरेको अवस्थामा त्रिभुवन अन्तर्राष्ट्रिय विमानस्थलबाटै पक्राउ परेका तिवारी सुन तस्करीका मुख्य नाइके गोरेका विशेष सहयोगी हुन् । कपडा पसलको सञ्चालनदेखि क्रसर व्यवसायी हुँदै जग्गा दलाल बनेका तिवारी पछिल्लो ४ वर्षदेखि गोरेले गर्ने सुन तस्करीका मूख्य साझेदार हुन् ।
तिवारीको प्रहरी, प्रशासन र अदालतसम्म ‘विशेष पहुँच’ रहेको विषय फेला परेको छ । सुनकाण्डबारे अनुसन्धान गरिरहेको गृह मन्त्रालयको समितिले तिवारी र केही अधिवक्ताबीच शंकास्पद सम्बन्ध रहेको फेला पारेको छ ।
‘तिवारीले बयानका क्रममा गोरेका लागि आफूले केही न्यायाधीशसँग समेत कुरा गरेको बताएका छन्,’ गृह मन्त्रालयको छानबिन समितिका एक सदस्यले लोकान्तरसँग भने, ‘उनले भनेका सबै कुरा पत्याउने खालका त छैनन्, यद्यपि उनको बयानका आधारमा थप अनुसन्धान अगाडि बढाएका छौं ।’
तिवारीको बयानअनुसार सुन तस्कर गोरेले न्यायाधीशहरूसँग समेत ‘सेटिङ’ मिलाएर आफू र आफ्ना मान्छेसँग सम्बन्धित मुद्दालाई प्रभावित गर्ने गरेका थिए ।
‘गोरेले सेटिङ मिलाएर नै सुन तस्करीमा संलग्न रहेर पक्राउ परेका धेरैजना अदालतबाट धरौटी र साधारण तारेखमा छुटेका छन्,’ तिवारीले दिएको बयानलाई उद्धृत गर्दै छानबिन समितिका सदस्य भन्छन्, ‘केही न्यायाधीशलाई वकिलमार्फत सम्पर्क गरिन्थ्यो । केहीलाई भने सिधै पनि सम्पर्क गरिन्थ्यो ।’
सरकारी कागजात किर्ते गर्थे तिवारी
गोरेको मुख्य सहयोगी राम तिवारीविरुद्ध यसअघि सरकारी कागजात किर्ते गरेको मुद्दा पनि चलेको थियो । गृह मन्त्रालयको छानबिन समितिका अनुसार नुवाकोट जिल्ला अदालतमा तिवारीविरुद्ध सरकारी कागजात किर्ते गरेको अभियोगमा मुद्दा चलेको थियो ।
तिवारीले विभिन्न सरकारी निकायको लेटरप्याड, छाप र सरकारी अधिकारीको हस्ताक्षर समेत किर्ते गर्ने गरेको फेला परेको छानबिन समितिले जनाएको छ । खास गरेर घर–जग्गा व्यवसायका क्रममा तिवारीले सरकारी कागजात किर्ते गर्ने गर्दथे ।
सरकारी कागजात किर्ते गर्ने क्रममा तिवारीको केही प्रभावशाली वकिलहरूसँग सम्पर्क बढेको गृहको छानबिन समितिले अनुसन्धानबाट पत्ता लगाएको छ । जसका आधारमा उनले केही मुद्दालाई प्रभावित पार्नेसम्मको हैसियत बनाए ।
खास गरेर केही जिल्ला न्यायाधीश र केही अवकाशप्राप्त न्यायाधीशका आफन्तहरूसँग तिवारीको विशेष सम्बन्ध रहेको छानबिन समितिले फेला पारेको छ । तर सम्बन्ध रहेकै आधारमा उनले मुद्दालाई प्रभावित पारे–नपारेको विषयमा भने अहिले नै भन्न नसकिने समितिका सदस्य बताउँछन् ।
‘तिवारीले केही न्यायाधीश र वकिलसँग सम्बन्ध रहेको भन्दै नाम पनि लिएका छन्,’ छानबिन समितिका सदस्य भन्छन्, ‘तर उनले भनेकै आधारमा यकिन गर्ने भन्ने कुरा हुँदैन । हामीले केही तथ्य फेला पा¥यौं भने त्यसमाथि पनि थप कारबाही प्रक्रिया अगाडि बढ्छ ।’
जग्गा कारोबार हुँदै अदालतका बिचौलिया
काभ्रेको नमोबुद्ध गाउँपालिकाका स्थायी बासिन्दा रहेका राम तिवारीको उमेरले ४० पार गरिसकेका छन् । कुनै पनि प्रकारको औपचारिक शिक्षा हासिल नगरेका तिवारीले शुरुमा काभ्रेमै कपडा पसल चलाउँथे । पछि गुण्डा नाइके गणेश लामासँग मिलेर काभ्रे र सिन्धुपाल्चोकका केही ठाउँमा क्रसर उद्योग चलाए ।
क्रसर उद्योग चलाउँदा प्रहरी अधिकारी, उच्च सरकारी कर्मचारीदेखि न्याय क्षेत्रका विशिष्ट व्यक्तिको घर निर्माण गर्दा सित्तैमा बालुवादेखि गिट्टीसम्म ढुवानी गरिदिने तिवारीले त्यसमार्फत नै जग्गा दलाली गर्ने सञ्जाल विस्तार गरे ।
त्यसपछि उनी काठमाडौं आइपुगे र जग्गा प्लटिङ व्यवसायमा लागे । जग्गा प्लटिङ गर्दा उनले धेरै वकिल र न्यायाधीशका लागि जग्गा मिलाइदिएको तिवारीले गृह मन्त्रालयको समितिलाई दिएको बयानमा उल्लेख गरेका छन् ।
जग्गा दलाली गर्दा केही वकिल र न्यायाधीशसँग सम्बन्ध विस्तार गरेपछि तिवारीले अन्य व्यवसायीसँग मुद्दा मिलाइदिने भनेर पैसा समेत उठाउने गरेको तथ्य छानबिन समितिले फेला पारेको छ ।
शुरु–शुरुमा तिवारीले गोरेबाट पनि मुद्दा मिलाइदिन्छु भन्दै पैसा लिने गरेका थिए । पछिल्लो २ वर्षयता भने तिवारी गोरेले गर्ने सुन तस्करीका ‘विजनेश पार्टनर’कै रूपमा सक्रिय रहेको अनुसन्धान समितिका सदस्य बताउँछन् ।
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...