रोनाल्डोका बारेमा रमाइला कुरा थाहा पाइराख्नुस्

जेठ २७, २०७५

काठमाडौं, २७ जेठ – फिफा विश्वकपमा पोर्चुगलका स्टार स्ट्राइकर क्रिस्टियानो रोनाल्डोमाथि धेरैको नजर छ । उनी म्याच विनर साबित हुन सक्छन् । 

अहिले ३३ वर्ष पुगेका रोनाल्डोको यो नै शायद अन्तिम विश्वकप हुन सक्छ । 

रोनाल्डोको खेल स्कूल दिनदेखि नै राम्रो थियो । उनको तीव्र गतिले सबैलाई हायलकायल पारेको थियो । स्कूलमा खेलिने खेलमा रोनाल्डो त सजिलै गोल गरिदिन्थे तर उनका साथी खेलाडीले सक्दैनथिए । अनि उनी रुन थाल्थे । त्यसैले उनलाई मानिसहरूले क्राई बेबी भन्न थाले । क्लबका केही खेलमा हारेपछि पनि उनी रोएको देखिएकै हो । 

रोनाल्डोको तुलना अर्का महान् खेलाडी लियोनेल मेस्सीसँग हुने गर्छ । उनीहरू दुईजना स्ट्राइकर हुन् र दुवै मध्यमवर्गीय परिवारबाट आएका हुन् । रोनाल्डो मेस्सीभन्दा दुई वर्ष जेठा छन् । उनी सन् १९८५ को ५ फेब्रुअरीमा जन्मेका हुन् भने मेस्सीको जन्मदिन २४ जुन १९८७ हो । उनीहरूबीच ८६९ दिनको अन्तर छ । रोनाल्डोका छोरा रोनाल्डो जुनियर र मेस्सीका छोरा थियागोको जन्ममा पनि ८६९ दिनकै अन्तर छ । 

रोनाल्डोका पिता जोस डिनिस एभिएरो अमेरिकी राष्ट्रपति रोनाल्ड रेगनबाट अत्यधिक प्रभावित थिए । त्यसैले उनले कान्छो छोराको नाम क्रिस्टियानो रोनाल्डो डोस सान्तोस एभिएरो राखे । 

रोनाल्डो ७ नम्बरको जर्सीले चिनिन्छन् । तर त्यो उनको पहिलो प्रेम थिएन । खासमा सन् २००२–०३ मा रोनाल्डोले म्यानचेस्टर युनाइटेडमा २८ नम्बरको जर्सी मागेका थिए तर उनलाई ७ नम्बरको जर्सी दिइयो । अहिले उनी त्यसैबाट प्रसिद्ध छन् । 

रोनाल्डोका पिता अत्यधिक रक्सी पिउँथे । त्यसैले गर्दा उनको मृत्यु भयो । रोनाल्डो रक्सीलाई घृणा गर्छन् । रक्सी पिएर फिटनेस बिगार्ने पक्षमा उनी छैनन् । 

रोनाल्डोको शरीरमा जम्मा १० प्रतिशत फ्याट छ । नर्मल क्याटवाक गर्ने मोडलहरूको शरीरमा पनि १३.८ प्रतिशत फ्याट त हुन्छ । 

रोनाल्डोको वार्षिक कमाइ एक अर्ब रुपैयाँभन्दा बढी छ । उनी सर्वाधिक कमाइ गर्ने खेलाडीमा बक्सर मेवेदर र फूटबलर मेस्सीपछि चौथो नम्बरमा छन् ।

एजेन्सी
 


ADVERTISEMENT

जेठ २७, २०७५ मा प्रकाशित

प्रतिक्रिया दिनुहोस