काठमाडौं, ५ असार -कमल थापा नेतृत्वको राष्ट्रिय प्रजातन्त्र पार्टी (राप्रपा) र पशुपति शम्शेर नेतृत्वको राप्रपा प्रजातान्त्रिकबीच पुन: एकताको पहल शुरु भएको छ ।

मिलेर झण्डै एकवर्ष पछि नै चुनावको मुखमा फुटेका दुई पार्टी पुन: एकीकरण गर्ने लक्ष्यका साथ मंगलवारबाट एकता वार्ता शुरु भएको छ ।

वार्तामा राप्रपाका तर्फबाट उपाध्यक्षद्वय बुद्धिमान तामाङ र टंक ढकाल तथा महामन्त्री राजेन्द्र लिङदेन एवं राप्रपा प्रजातान्त्रिकबाट दीपक बोहरा, विक्रम पाण्डे र ठाकुर शर्माको सहभागिता रहेको थियो ।

प्रथम चरणको एकता वार्ता सकारात्मक रहेको र चाँडै अर्को चरणको वार्ता गर्ने सहमति भएको राप्रपाका उपाध्यक्ष बुद्धिमान तामाङले जानकारी दिए ।

वार्ताको लागि दुवै राप्रपाले यसअघि नै समिति बनाएका थिए ।