बेसीशहर (लमजुङ), ८ असार – ४ नम्बर प्रदेशका मुख्यमन्त्री पृथ्वीसुब्बा गुरुङले संघीय सरकारले प्रदेशलाई दिनुपर्ने बजेट नदिएर अपमान गरेको गुनासो गरेका छन् ।

गृहजिल्ला लमजुङको बेंसीशहर नगरपालिकाको तेस्रो नगरसभाको उद्घाटन गर्दैै मुख्यमन्त्री गुरुङले साना र धेरै विकास निर्माणका योजना प्रदेश र स्थानीय सरकारमा हुने तर बजेट भने केन्द्रमै राख्ने काम भएको उनले बताए । ‘संघीय सरकारले आफूसँग ३० प्रतिशत बजेट राखेर सबै प्रदेशलाई दिनुपर्ने हो,’ उनको भनाइ थियो ।

नगरसभामा नगरपालिका प्रमुख गुमानसिंह अर्यालले करीब ५५ करोड रुपैयाँ बराबरको बजेट र आगामी आर्थिक वर्षका लागि नीति तथा कार्यक्रम प्रस्तुत गरेका थिए ।