काठमाडौं– रुसको मस्कोमा आइतबार सम्पन्न विश्वकप फुटबल प्रतियोगिता २०१८ मा विश्व विजेता बनेर घर फर्किएको फ्रान्सेली टोलीको भव्य स्वागत भएको छ ।

विश्वकपको उपाधि जितेर आएको टोलीलाई पेरिसमा पाँच लाख भन्दा धेरै मानिसले स्वागत गरे ।

स्वागत गर्न जम्मा भएका लाखौँ मानिसले परेड गरे ।

राष्ट्रिय फुटबल टोलीलाई पेरिसको चार्ल्स डी गाउली विमानस्थलमा स्वागत गरियो ।

टोलीलाई फ्रान्सले देशकै सबैभन्दा उच्च स्तरको सम्मान लिगिओन डी अनर पनि दिइने छ । फ्रान्सेली समर्थकले रातभर फ्रान्सका विभिन्न शहरमा पार्टी गरे । अवस्था शान्त नहुँदा प्रहरीले अश्रु ग्यास पनि चलाउनु परेको थियो ।

उनीहरुलाई स्वागत गर्न राष्ट्रपति इम्यानुएल म्याक्रोन पनि पुगेका थिए ।

फाइनलमा क्रोएसियालाई ४–२ ले हराएर २० वर्षपछि फेरि विश्व विजेता बनेको फ्रान्सेली टोली सोमबार स्वदेश फर्किएको हो ।