काठमाडौं– सरकारले ‘राष्ट्रिय चिकित्सा शिक्षा विधेयक, २०७५’ लाई प्रतिनिधिसभा बैठकमा पेश गर्ने तयारी गरेको छ । आइतबार उक्त विधेयक कार्यसूचीमा रहेको भएपनि प्रमुख प्रतिपक्ष नेपाली कांग्रेसले अवरुद्ध गरेपछि वैठक स्थगीत भएको थियो । 

जुम्लामा अनसनरत डा गोविन्द केसीसँग वार्ता भइँरहेको भन्दै सरकारको आग्रहमा संसदले विधेयकलाई बिहीबारको सम्भावित कार्यसुचिमा राखेको छ ।

विधेयकमा तीनवटा विरोधको सुचना दर्ता भएका छन् । नेपाली कांग्रेसका सांसद गगन थापा, नेपाल मजदुर किसान पार्टीका सांसद प्रेम सुवाल र राष्ट्रिय जनता पार्टी नेपालकी सांसद सरिता गिरिले दर्ता गराएको विरोधको सुचना सम्भावित कार्यसुचिमा रहेको छ । 

विधेयक टेवुल गर्ने प्रस्ताव चौथो नम्वरमा राखिएको छ ।