भक्तपुर– भक्तपुरका दुई स्थानमा फेला परेका प्रेसर कुकर बमलाई नेपाली सेनाको टोलीले निष्क्रिय पारेको छ । भक्तपुरको सूर्यविनायक, आदर्श चोक र मध्यपुरठिमी नगरपालिका–१ लोकनथलीमा मंगलबार बिहानै प्रेसर कुकर बम भेटिएको थियो ।

प्रहरी तथा सेनाको बम डिस्पोजल टोलीले सूयविनायकको आदर्श चोक र मध्यपुरठिमीको लोकनथलीमा राखिएको प्रेसर कुकर बम बिहान ६ बजे निष्क्रिय पारेको भक्तपुर प्रहरी परिसरले जनाएको छ । 

मंगलबार विप्लव नेतृत्वको नेकपाले बन्दको आह्वान गरेको छ ।  आफ्ना प्रवक्ता प्रकाण्डलाई प्रहरीले पक्राउ गरेको विरोधमा गरिएको बन्दको प्रभाव देशभर सामान्य रुपमा परेको छ ।