काठमाडौं — सार्वजनिक यातायातमा बहुमूल्य सामान हराउनु आफैंमा चिन्ताको विषय हुँदै हो तर त्यसमाथि ट्रेन कम्पनीले सामान फिर्ता लिन जाँदा अतिरिक्त मूल्य शुल्क लिइदिँदा यात्रुलाई तनाव हुने गरेको छ । 

अराइभा ट्रेन्स वेल्सका यात्रु एडम होवेल्सले आफ्नो पर्स हराएपछि लिन जाँदा कम्पनीले २ पाउन्ड अनि पर्सभित्र भएको रकमको १० प्रतिशत रकम असुलेको गुनासो गरे । 

त्यसपछि कम्पनीले उनलाई जवाफ फर्काउँदै सामान फिर्ता गर्दाका मूल्यहरू बतायो जसमा लट्ठीका लागि ३ पाउन्ड र ल्यापटपका लागि २५ पाउन्ड शुल्क लिने गरिएको छ । 

मान्छेहरूले सामान असाध्यै भुल्ने अनि ती सामानलाई राखिरहनका लागि खर्च लाग्ने भएकाले कम्पनीले भुलक्कड यात्रुबाट शुल्क असुल्ने गरेको पाइएको छ । 

अराइभा रेल चलाउने चिल्टर्न रेलवेजले ल्यापटप लगायतका महंगा विद्युतीय उपकरण फिर्ता गरेको २० पाउन्ड, मोबाइल लगायतका सस्ता विद्युतीय उपकरण फिर्ता गरेको १० पाउन्ड र अन्य सबै सामानका लागि ३ पाउन्ड शुल्क
लिने गरेको छ । 

एजेन्सी