काठमाडौं– सुनसरीका खुर्सिद अन्सारीको हत्याबारे छानबिन गर्न गृह मन्त्रालयले एक समिति गठन गरेको छ । 

१ प्रदेश प्रहरीका वरिष्ठ उपरीक्षक (एसएसपी) किशोर दाहालको संयोजकत्वमा समिति गठन गरिएको हो । 

समितिमा १ नम्बर प्रदेशका आन्तरिक मामिला तथा कानून मन्त्रालयका उपसचिव रवीन्द्र आचाई, सशस्त्र प्रहरी बलका उपरीक्षक (एसपी) रमेश कुमार थम्सु राष्ट्रिय अनुसन्धान विभागका अनुसन्धान उपनिर्देशक तुलसी प्रसाईँ र जिल्ला प्रशासन कार्यालय सुनसरीका प्रशासकीय अधिकृत राजन पाण्डे सदस्य छन् । 

समितिलाई १५ छानविन गरी प्रतिवेदन बुझाउन निर्देशन दिइएको छ ।