काठमाडौं — सिरियामा इस्लामिक स्टेट समूहविरुद्ध अमेरिकाको नेतृत्वको गठबन्धन सेनाको आक्रमणका कारण अहिलेसम्म तीन हजारभन्दा बढी नागरिकको मृत्यु भइसकेको छ । 

सिरियाको युद्धमा निगरानी गर्ने बेलायती संगठन सिरियन अब्जर्भेटरी फर ह्युमन राइट्सले आइतवार यसको जानकारी दियो । 

अमेरिका नेतृत्वको सेनाले सिरिया र छिमेकी मुलुक इराकमा तीन हजार नागरिक मारेको उसको भनाइ छ । आम नागरिकको धेरै नोक्सानी नहोस् भनेर सबै किसिमको कोशिश गरेको पनि उसले बतायो । गठबन्धन सेनाले अगस्छ
२०१४ देखि इराकमा आईएसका ठेगानालाई निशाना बनाउन थालेका थिए । 

अमेरिकी नेतृत्वको सेनाले जम्मा एक हजार नागरिक मारिएको बताएको थियो । 

सिरियामाथि निगरानी राख्ने समूहले सिरियाभित्रका स्रोतबाट सूचना लिन्छ अनि कसले सिरियामा हवाई आक्रमण गर्छ भन्ने विषयबाट पनि जानकारी लिन्छ । 

‘मारिएकामध्ये ८२६ बालबालिका र ६१५ महिला छन्,’ अब्जर्भेटरीका प्रमुख रामी अब्देल रहमानले बताए । 

गठबन्धनका कारवाहीहरू अहिले निकै घटेको छ र जिहादीहरू सिरियाका केही भागबाहेक अन्तबाट हटिसकेका छन् । 

अब्जर्भेटरीका अनुसार, सन् २०११ मा द्वन्द्व शुरू भएदेखि सिरियामा तीन लाख ६० हजार मानिस मारिएका छन् र तीमध्ये लगभग एक तिहाइ सर्वसाधारण हुन् । 

एजेन्सी