बैशाख १८, २०८१
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काठमाडौं –यो वर्षको दशैंमा नयाँ गाडी नथपिने भएपछि लामो दूरीका यात्रु समस्यामा पर्ने भएका छन् । यातायात व्यवसायीहरू यो वर्ष पर्याप्त बस किन्ने माहोल नभएको बताउँछन् ।
दशैंको मुखमा आइपुग्दा पनि सरकारसँग विभिन्न असमझदारी विद्यमान रहेका कारण व्यवसायीले नयाँ बसमा लगानी नगर्ने भएका हुन् । जसका कारण दशैंमा पर्याप्त गाडी नपाइने निश्चित प्रायः छ ।
यातायात व्यवस्था विभागले भने गैरजिम्मेवार जवाफ दिँदै व्यवसायीले व्यवस्था मिलाउने आशा व्यक्त गरेको छ । विभागका सूचना अधिकारी गोकर्ण उपाध्यायले भने, ‘व्यवसायीहरूले भनेका छन् । केही व्यवस्था मिलाउलान् नि !’ उनका अनुसार छोटो दूरीका बस किनिरहे पनि यो वर्ष लामो दूरीका बसमा लगानी गर्न व्यवसायीहरू हच्किएका छन् ।
धमाधम टिकट बुकिङ
दशैंमा घर जानका लागि यात्रुहरूले धमाधम अग्रिम टिकट बुकिङ गरिरहेका छन् । शनिबारसम्ममा ४१ हजारले अग्रिम टिकट बुकिङ गरेको देखिन्छ । २० भन्दा पुराना गाडी र बिग्रिएका केही बस विस्थापित भएपनि पर्याप्त मात्रामा नयाँ बस नथपिने भएको हो ।
गत वर्षको मात्रै अवस्था हेर्दा नियमित चल्नबाहेक ४ सय नयाँ बस थपिएको महानगरीय ट्राफिक प्रहरी महाशाखाले जनाएको छ । महाशाखाकाअनुसार गत वर्ष दशैंमा २५ लाख मानिस राजधानी उपत्यकाबाट बाहिरिएका थिए ।
कसरी होला व्यवस्थापन ?
यसअघिका तथ्यांक हेर्दा प्रत्येक वर्षको दशैंमा ४ सयदेखि ५ सय ठूला बसहरू बजारमा आउने गरेको थिए । यस्तै करीब २ सय सवारी साधन विस्थापित हुने गरेको यातायात व्यवस्था विभागले जनाएको छ । यो वर्ष पनि २० वर्ष पुराना वा बिग्रएका सवारी साधान विस्थापित भएपनि गत वर्षहरूमा जस्तो नयाँ सवारी भने बजारमा नआएको विभागले जानएको छ ।
विभागका सूचना अधिकारी उपाध्याय भन्छन्, ‘सामान्यतया फाट्टफुट्ट गाडी आइरहेका छन्, तर दशैंका लागि नै भनेर आउने गाडी भने यो वर्ष अत्यन्तै कम छ, किनभने लगानी गर्न व्यवसायीहरू डराएका छन् ।’
यात्रुको चाप बढेर दबाब परे एकसय बस नयाँ आउने सम्भावना रहेको व्यवसायीहरू बताउँछन् । नेपाल यातायात व्यवसायी राष्ट्रिय महांघका महासचिव सरोज सिटौलाका अनुसार समान्य अवस्थामा यो वर्ष व्यवसायीहरू नयाँ बस किन्ने मनस्थितिमा छैनन् ।
सिटौला भन्छन्, ‘यो वर्ष विगतका वर्षहरूमा जस्तो गाडीमा धेरै लगानी गर्न व्यवसायी सहमत छैनन्, किनभने सरकारले हाम्रो घाँटी न्याक्ने षड्यन्त्र गरिरहन्छ । यद्यपि दशैंको सन्दर्भमा भने हामी जसरी पनि व्यवस्थापन भने गर्नेछौं ।’
‘खै हाम्रो सुरक्षा !’
नेपाल यातायात व्यवसायी राष्ट्रिय महासंघका अध्यक्ष योगेन्द्रनाथ कर्माचार्य भन्छन्, ‘व्यवसायीमाथि एकोहोरो हस्तक्षेप भइरहेको छ । हाम्रो लगानीको सुरक्षाको प्रत्याभूति छैन । कसरी नयाँ गाडी किन्ने ? सिन्डिकेट भन्दै हामीमाथि एकोहोरो हस्तक्षेप गर्ने सरकारले पनि सोच्नुपर्छ नि !’
कर्माचार्यले सरकारले जस्तो ‘गैरजिम्मेवार’ भने व्यवसायी नबन्ने बताउँदै भने, ‘हामी सरकारजस्तो गैरजिम्मेवार भने बन्दैनौं । यात्रुको आवश्यकताअनुसार बसको व्यवस्थापन गर्नेछौं । ढुक्क भएर दशैं मनाउने तयारी गर्नुस् ।’
व्यवसायी अझै बार्गेनिङमा
यो वर्ष गत असोज ९ गतेदेखि अग्रिम टिकट बुकिङ खुलेको थियो । यसअघि बुकिङ खोल्ने विषयमा सरकार र यातायात व्यवसायीबीच असमझदारी थियो ।
दुवै पक्षबीचको तीन चरणको वार्तापश्चात गत असोज ५ गतेदेखि अग्रिम बुकिङ खोल्ने घोषणा गरेपछि पनि व्यवसायीहरूले मिति सारेका थिए । मिति घोषणापछि पेट्रोयिम पदार्थको मूल्यवृद्धि भयो । व्यवसायीहरूले वैज्ञानिक रूपमा यातायातको भाडा पनि बढाउनुपर्ने माग राखेका थिए । सरकारले दशैंको मुखमा भाडा नबढाउने भने पनि व्यवसायीहरू आफ्नो अडानबाट पछि नहटेपछि यातायाताको भाडा बढेको हो ।
सरकारले यसअघि सिन्डिकेट खारेज गर्ने भन्दै रोक्का गरेका यातायात समितिका बैंक खाता तत्काल खोल्न पनि व्यवसायीहरूले सरकारलाई दबाब दिइरहेका छन् । यो विषयमा छलफल भइरहेको यातायात व्यवस्था विभागका महानिर्देशक लावण्यकुमार ढकालले बताए ।
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...