काठमाडौं। चलचित्र ‘दि कर्मा’को पहिलो गीत रिलिज गरिएको छ । ‘बजार लाग्या छ’ बोलको गीतको भिडियोमा नायिका नीता ढुंगाना र नायक करण वर्माले नृत्य गरेका छन् । त्यस्तै परमिता राज्यलक्ष्मी राणा र बुद्दि तामाङलाई पनि भिडियोमा समावेश गरिएको छ । कोशिस क्षेत्रीको शब्द तथा संगीत रहेको गीतमा मनिषा पोखरेलको स्वर छ ।

यस गीतका कोरियोग्राफर रामजी लामिछाने हुन् । मंसिर ७ गतेलाई प्रदर्शन मिति तय गरिएको चलचित्रलाई देव कुमार श्रेष्ठले निर्देशन गरेका हुन । जय राज राय र निशा खतिवडा यस चलचित्रको निर्मातामा रहेका छन् । 

भारतका मोडल तथा कलाकार करण वर्माको अभिनय रहेको यो चलचित्रमा उनका अलावा नीता ढुंगाना, परमिता राज्यलक्ष्मी राणा, बुद्दी तामाङ्ग लगायत कलाकारहरुको अभिनय रहेको छ ।