नेपाल इन्भेस्टमेन्ट बैंकमा मास्टर डेबिट कार्डको उद्घाटन

असोज २५, २०७५

काठमाडौं – ग्राहकलाई आर्थिक कारोबारमा सहजता प्रदान गर्ने उद्देश्यले नेपाल इन्भेस्टमेन्ट बैंक लिमिटेडले मास्टर कार्डसँग सहकार्य गरी मास्टर डेबिट कार्डको उद्घाटन गरेको छ । 

नेपाल इन्भेस्टमेन्ट बैंक लिमिटेड मास्टर कार्डको उद्घाटनपछि बैंकका अध्यक्ष पृथ्वीबहादुर पाँडेले मास्टर कार्डसँग सहकार्य गर्न पाएकोमा खुशी लागेको बताउँदै आफ्ना सञ्जाल बैंकमार्फत् मास्टर कार्डको सेवालाई नेपाली बजारमा विशेष रुपले विस्तार गर्नेमा विश्वास दिलाए ।


ADVERTISEMENT

कार्यक्रममा मास्टर कार्डका दक्षिण एसियाली आर्थिक व्यवस्थापनका उपाध्यक्ष विकास बर्माले नेपालमा पछिल्लो समय विद्युतीय भुक्तानीमा देखिएको विकास क्रमको प्रशंसा गर्दै नेपाल इन्भेस्टमेन्ट बैंकसँग भएको मास्टर कार्डको सहकार्यले थप भूमिका खेल्नेमा आशावादी रहेको बताए ।

बैंकले आन्तरिक तथा बाह्य बजारलाई लक्षित गरी २ प्रकारको कार्ड प्रयोगमा ल्याएको छ । स्थानीय कार्ड नेपाल लगायत भारतमा समेत प्रयोग गर्न सकिन्छ भने अन्तर्राष्ट्रिय कार्ड विश्वभर प्रयोग गर्न सकिन्छ । 

नेपाल इन्भेस्टमेन्ट बैंक लिमिटेड र मास्टर कार्डको सहकार्यमा एनआईबीएल मास्टर कार्डको उद्घाटनसँगै ३ महिनासम्म आफ्ना ग्राहक महानुभावलाई बिना कुनै शुल्क कार्ड जारी गर्ने र साथै यस्तो मास्टर कार्डबाट कारोबार गरेबापत नगद फिर्ता भुक्तानी पनि उपलब्ध गराउने  योजना बैंकले ल्याएको छ । यसका लागि भने केही शर्त लागू हुनेछ । 

नेपालीको महान चाडपर्व नजिकिँदै गर्दा आफ्ना ग्राहकलाई एनआईबीएल मास्टर कार्डले आर्थिक कारोबार गर्न सहयोग पुर्याउनेमा नेपाल इन्भेस्टमेन्ट बैंक लिमिटेडले विश्वास लिएको छ । ७७ वटा शाखा पुगेको बैंकका ९ लाखभन्दा बढी उपभोक्ता रहेका छन् ।

हालसम्म २ हजार ६ सय ५७ वटा पस मेसिन जडान भइसकेका छन् भने १ सय ५ वटा एटीएम पुगेको छ । भर्खरै यूरोमनि अवार्ड ‘उत्कृष्ट बैंक नेपाल–२०१८’ जितेको बैंकले ५ पटकसम्म ‘बैंक अफ द इयर’ अवार्ड प्राप्त गरिसकेकोे छ ।

असोज २५, २०७५ मा प्रकाशित

प्रतिक्रिया दिनुहोस