काठमाडौं — साउदी अरबका महान्यायाधिवक्ताले पत्रकार जमाल खशोग्गीको हत्यामा संलग्न रहेका भनिएका पाँचजनालाई मृत्युदण्ड दिन खोसजएको बताएका छन् । 

बिहीवार रियादमा आयोजित एक पत्रकार सम्मेलनमा साउल अल मोजेबले ती पाँच व्यक्तिले इस्तानबुलमा साउदी वाणिज्य दूतावासभित्र खशोग्गीसँगको कुराकानी असफल भएपछि उनलाई बेहोश बनाउने अनि शरीर टुक्राटुक्रा पार्ने आदेश दिएको बताए । 

यो वीभत्स हत्यामा युवराज मोहम्मद बिन सलमान संलग्न नरहेको बताए । 

खशोग्गीलाई अक्टोबर २ तारिखमा घातक इन्जेक्सनको डोज दिएर मारिएको अनि उनको शरीर टुक्राटुक्रा पारेर भवनबाहिर लगिएको मोजेबले बताए । 

साउदीले १८ जनालाई यस घटनामा पक्राउ गरेको र पाँचजना वरिष्ठ सरकारी अधिकारीहरूलाई बर्खास्त गरेको पनि जानकारी दिएको छ । 

टर्कीले भने आरोपितहरूलाई सुपुर्दगी गर्नुपर्ने बताइरहेको छ ।

अलजजीराबाट