फिल्म फ्यानहरुलाई सबैलाई थाहा छ कि रणवीर कपूर र आलिया भट्ट रिलेशनशिपमा छन् । यी दुबै अभिनेताले अहिलेसम्म एउटा पनि फिल्म सँगै खेलेका छैनन् । 

तर दुबैबीच गजबको केमेस्ट्री देखिएको छ । वास्तविक जिवनमा यो जोडी जब देखिइन्छ सधै मानिसले यो जोडिलाई मन पराएका छन् । 

तर पछिल्लो दिन एक तस्वीरमा उनीहरुको बिचमा सोहार्दता नदेखिएको भन्दै सामाजिक सञ्जालमा चर्चा चलिरहेको छ । 

यो तस्वीर रणवीर र आलियाको आगामी फिल्म ब्रम्हास्त्रको सेटबाट लिक भएको हो । तस्वीरमा आलिया खासै खुसी देखिएकी छैनन् जबकी रणवीर कपूरले आफ्नो मोबाइल फोनमा केही हेरिरहेका देखिएका छन् । 

यो फोटो लामो शुटिङपछि खिचिएका कारण आलिया थकित भएको हुनसक्ने भारतीय सञ्चारमाध्यमहरुमा खबर छ । अयान मुखजीको निर्देशनमा बनिरहेको फिल्म ब्रम्हास्त्रको शुटिङ आजभोलि मुम्बइमा जारी छ ।

यसमा रणवीर र आलियाका अलावा अमिताभ बच्चन, नागार्जुन, डिम्पल कपाडिया तथा मोनी राय पनि महत्वपूर्ण भूमिकामा देखिने छन् । यो फिल्म डिसेम्बर २०१९ मा रिलिज हुनेछ ।