सुर्खेत- सांग्रिला डेभलप्मेन्ट बैंक लिमिटेडको ६७ औं शाखा सुर्खेतको गुर्भाकोट नगरपालिकाको बोटेचौरमा शुक्रबार उदघाटन गरिएको छ ।

शाखाको उदघाटन गुर्भाकोट नगरप्रमुख हस्त पुनले गरेका हुन । समुदघाटन कार्यक्रमलाई सम्वोधन गर्दै सांग्रिला बैंकले गुर्भाकोटको विकास र समृद्धिमा टेवा पुर्याउने अपेक्षा व्यक्त गरे । उनले स्थानीय सरकार सांग्रिला बैंक सँग सहकार्य गर्दै अघि बढने प्रतिबद्धतासमेत जनाए ।

कृषि, व्यवसाय प्रर्वद्धनका लागि बैंकको महत्वपूर्ण भूमिका मैले देखेको छु । मेयर पुनले भने, यो क्षेत्रका जनताको बेरोजगारी समस्या समाधान गर्न, आर्थिक रुपान्तरण गर्न यो शाखा कोसेढुंगा हुने मेरो विश्वास छ ।
कार्यक्रमलाई सम्वोधन गर्दै बैंकका क्षेत्रीय निर्देशक जयन्द्रबहादुर खडकाले यो ६७ औं शाखाको रुपमा सञ्चालनमा ल्याइएको बताए ।

अहिलेसम्म हामीले देशभर ७८ ओटा शाखा सञ्चालनमा ल्याईसकेका छौं । उनले भने, कात्तिक १२ देखि  नै हामीले यो शाखाबाट काम सुरु गरेका थियौं । उनले बैंकसँग अहिले २ लाख ६० हजार ग्राहक पुगेको जानकारी दिए ।

शाखा प्रबन्धक विशाल महर्जनले देशभरिमा २० अर्ब  कुल जम्मा छ भने १९ अर्ब कर्जा  प्रवाह गरिएको छ । देशभर २३ ओटा एटीएम खोलेको बैंकले मेहलकुना र बोटेचौरमा दुइ महिनामा तीन सय खाता सञ्चालन गरेको छ भने २४ करोड बढी लगानी गरिसकेको छ ।