काठमाडौं — अमेजनका सीईओ जेफ बेजोस र उनकी पत्नी म्याकेन्जी बेजोसको डिभोर्स संसारकै सबभन्दा महंगो पारपाचुके हुन सक्ने सम्भावना रहेको छ । 

दुवैले बुधवार डिभोर्सको घोषणा गरेका हुन् । डिभोर्सपछि सम्पत्ति बाँडफाँड भएमा म्याकेन्जी संसारकी सबभन्दा धनी महिला बन्न सक्छिन् । वाशिङटनको कानूनअनुसार, बिहेपछि अर्जित सम्पत्ति डिभोर्सको समयमा पति पत्नीबीच बराबरी बाँडिनेछ । 

ब्लूमबर्ग बिलेनियर इन्डेक्सअनुसार, संसारका सबभन्दा धनी व्यक्ति जेफको सम्पत्ति १३ हजार ७०० करोड डलर छ । त्यस हिसाबमा म्याकेन्जीलाई ६८ सय करोड डलर दिइन सक्छ । 

म्याकेन्जीले त्यति रुपैयाँ पाइन् भने उनले सबभन्दा धनी महिला एलाइस वाल्टनलाई पछि पार्नेछिन् । वालमार्टकी उत्तराधिकारी वाल्टनको कुल सम्पत्ति ४६ सय करोड डलर छ । 

बेजोस दम्पतीबीच बिहेअघि कुनै सम्झौता भए नभएको प्रस्ट छैन । म्याकेन्जीले पतिसँग सम्पत्तिको भाग नमाग्ने अनुमान पनि गरिएको छ । डिभोर्सपछि परिवार र साथीजीतो गरी बस्ने र गत वर्ष शुरू गरिएका परोपकारी कामलाई मिलेर अघि बढाउने दुवैले निर्णय लिएका छन् । 

सन् १९९३ मा जेफ र म्याकेन्जीको बिहे भएको थियो । त्यतिखेर उनीहरू हेज फन्ड कम्पनी डी ई शामा काम गर्थे । बिहेको अर्को वर्ष अर्थात् सन् १९९४ मा जेफले अमेजन शुरूआत गरेका थिए । एउटा ग्यारेजबाट शुरू भएको अमेजन
आज संसारको सबभन्दा ठूलो कम्पनी बनेको छ ।

एजेन्सी