काठमाडौं– भृकुटीमण्डपस्थित पुरानो सार्वजनिक शौचालय दशकदेखि बन्द छ । अहिले शौचालय भवन व्यापारीले गोदाम बनाएको छ । भृकुटीमण्डप प्रदर्शनी मार्गको अर्को सार्वजनिक शौचालय सञ्चालक तीर्थबहादुर राईले उक्त शौचालय शुल्क तिरेर सञ्चालन गर्छु भनेर पटक–पटक समाज कल्याण परिषदमा अनुरोध गरे। तर, कसैले सुनेनन् ।

शौचालय भवन प्रयोग गर्न दिएबापत् व्यापारीले समाज कल्याण परिषद् भृकुटीमण्डप सञ्चालन कार्यालयलाई मासिक कमिसन आउने गरेकाले हटाउन चासो नदिएको आरोप छ । राईले सञ्चालन गरेको शौचालयमा पनि शौचको भन्दा कपडा, ड्राई वा जंकफुडको व्यापार बढी छ ।, कान्तिपुरमा खबर छ ।