विराटनगर— प्रदेश सरकारले १ नम्बर प्रदेशलाई खुल्ला प्लास्टिक मुक्त बनाउने तयारी शुरु गरेको छ ।  १ नम्बर प्रदेशका उद्योग, वन तथा पर्यटनमन्त्री जगदीश कुसियतले खुल्ला प्लास्टिक मुक्त बनाउनका लागि तयारी शुरु गरिएको बताए । 

वातावरण विज्ञान केन्द्रीय विभाग,  वन तथा वातावरण मन्त्रालयलगायतका संस्थाहरुको आयोजनामा भएको प्रदेश नम्बर १ स्तरीय कार्यक्रममा बोल्दै कुसियतले प्लास्टिक मुक्त प्रदेश बनाउने योजना अनुसार काम भैरहेको बताए । उनले प्रदेश नम्बर १ अन्य प्रदेशको तुलनामा हरियाली र स्वच्छ प्रदेश रहेको पनि बताए । 

यस्तै कार्यक्रममा कार्यपत्र प्रस्तुत गर्दै वातावरण विभागका निरीक्षक विष्णु पाण्डेले भूमि, जल, वायु प्रदूषण हुन नदिने नीति लिई महाअभियानले काम गरिरहेको बताए । उनले कतिपय स्थानीय तहले फोहर व्यवस्थापन गर्न नसकेको बताउँदै व्यवस्थापन भएका स्थानीय तहको सिको गरेर अगाडि बढ्न महाअभियानले काम गर्ने बताए । 
डा. मनकुमार धमला, डा. मदन कोइराला, रामचन्द्र अधिकारी लगायतले  आधारहरु सहितको कार्यपत्र प्रस्तुत गरेका छन् ।