कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
माघ १, २०७५
बुटवल – नेपाली कांग्रेसले ५ नम्बर प्रदेशको स्थायी राजधानी बुटवल घोषणा गर्न माग गर्दै बिहीवार बुटवलमा खवरदारी सभा गर्दैछ ।
पार्टीको संसदीय दलको निर्णय विना नै कांग्रेस रूपन्देहीले अस्थायी राजधानी घोषणा भएको १ वर्ष पूरा भएको दिन पारेर बुटवलमा सभा गर्ने तयारी गरेको हो ।
नेपाली कांग्रेस ५ नम्बर प्रदेश संसदीय दलका नेता बलदेश शर्मा पोखरेलले बुटवल राजधानी हुनुपर्छ भनेर संसदीय दलले निर्णय नगरेको बताए । उनले भने, ‘संसदीय दलको बैठक नै बसेको छैन । रूपन्देही हुनुपर्छ भन्ने पार्टीको कुरा हो ।’
तत्कालीन प्रधानमन्त्री शेरबहादुर देउवाले सातै प्रदेशका अस्थायी राजधानी गत वर्ष माघ ३ गते तय गरेका थिए । कांग्रेस नेतृत्वको सरकारले गरेको निर्णय आफू अनुकूल बनाउने गरी जस लिने दाउले कांग्रेसले सभा गर्न थालेको आमबुझाइ छ ।
कांग्रेस रूपन्देहीले विरोध सभामा बाँके, बर्दिया, दाङ लगायत धेरै जिल्लाका सांसदलाई खबर नगरेको सांसदहरूले बताए ।
कांग्रेस संसदीय दलका प्रमुख सचेतक सुरेन्द्रबहादुर हमालले संसदीय दलको निर्णय विना रूपन्देही राजधानी बनाउनुपर्छ भन्दै सभा सम्मेलन गर्नु हतार हुने बताए । उनले भने, ‘प्रदेशको स्थायी राजधानी घोषणा गर्ने सम्पूर्ण अधिकार प्रदेश सभालाई छ । केही सांसदहरू माघी पर्वमा व्यस्त छन् । रूपन्देही बुटवल राजधानी बन्नुपर्छ भन्ने भनाई पूर्ण हुन मुस्किल छ ।’ बुटवल हुने सभालाई कांग्रेसका पश्चिम क्षेत्रबाट प्रतिनिधित्व गर्ने सांसदहरू रूचाएका छैनन् ।
खबरदारी सभाको मुख्य माग प्रदेशको स्थायी राजधानी रूपन्देही कायम हुनुपर्ने र प्रदेशको नामाकरण गरिनुपर्ने रहेको कांग्रेसको प्रचार सामग्रीमा उल्लेख छ । कांग्रेसले राजधानी माग्दै बुटवलमा खबरदारी सभा गर्ने सुनेपछि प्रदेशका मुख्यमन्त्री शंकर पोखरेलले आइतवारको संसद बैठकमा प्रदेशको राजधानी सडकबाट मागेर नपाइने तथा असान्दर्भिक मागबारे सभा, सम्मेलन र विरोध नगर्न कांग्रेसलाई सुझाएका थिए ।
प्रदेशको सार्वजनिक लेखा समितिका सभापति तथा दाङबाट प्रतिनिधित्व गर्ने कांग्रेसका सांसद डिल्लीबहादुरी चौधरीले नेपाली कांग्रेस पार्टी, संघीय संसदीय दल, प्रदेशको कुनै पनि संसदीय दलको बैठकले राजधानीको विषयमा कुनै निर्णय र छलफल नगरेको बताए ।
उनले भने, ‘मलाई खबर छैन । तपाईले भनेपछि बल्ल थाहा पाए । कसैले पनि रूपन्देही राजधानी हुनुपर्छ भनेर भनेको छैन । हाम्रै पहलमा प्रदेशको नामाकरण र र स्थायी राजधानीको विषयमा सुझाव संकलन गर्न समिति बनाइएको हो । समितिले सुझाव संकलन गर्दै छ । अनुशासनमा बस्न सिक्नुपर्छ ।’
८७ सदस्यीय प्रदेश सभामा कांग्रेसका १९ सांसदले प्रतिनिधित्व गर्छन् । कांग्रेस रूपन्देहीले मंगलवार पत्रकार सम्मेलन गरी सभाको तयारी पूरा भएको जनाएको छ । कांग्रेस रूपन्देहीका सभापति अब्दुल रज्जाकले सरकारले प्रदेश स्थायी राजधानी तोक्न आलटाल गरेकाले जनस्तरबाट खबरदारी गर्ने सभा गर्न लागेको बताए । तर प्रदेशको स्थायी राजधानी र नामाकरण गर्ने सम्पूर्ण अधिकार प्रदेशसभालाई छ ।
‘प्रदेससभा गठन भएको १ वर्ष पुग्यो,’ रज्जाकले भने, ‘राजधानी तोक्ने महत्त्वपूर्ण विषयमा सरकारले आलटाल र अन्यत्र सार्ने षड्यन्त्र देखिँदैछ । दुईतिहाईको सरकारले यस्तो विषयलाई ओझेलमा पारेको छ । त्यसविरूद्ध सभा गर्न लागेका हौं ।’
सभामा सम्बोधन गर्न कांग्रेस संसदीय दलका प्रमुख सचेतक तथा रूपन्देहीबाट समानुपातिबाट प्रतिनिधित्व गर्ने बालकृष्ण खाँण, प्रवक्ता विश्वप्रकाश शर्मा, केन्द्रीय सदस्य पुष्पा भुसाल, चन्द्र भण्डारी र मानबहादुर विकलाई ल्याउँदैछ । शर्माबाहेक अन्य सबै नेताहरू साविक लुम्बिनी अञ्चलका नेताहरू हुन् । सभा बुटवलको ट्राफिक चोकमा गरिने छ ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...