कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
सुर्खेत – रोजगारीका सिलसिलामा स्वदेशबाट बाहिरिएका कतिपय नेपालीले विदेशमा राम्रो प्रगति गरिरहेका हुन्छन् ।
आकर्षक गन्तव्यका रुपमा रहेका अमेरिका, जापान, कोरियादेखि नेपालीहरू खाडी मुलुकसम्म फैलिएका छन् । बाध्यताले विदेश पुगेपनि नेपालीलाई स्वदेशको मायाले सदैव तानिरहेको हुन्छ ।
त्यसको एउटा उदाहरण हुन् कर्णालीकी चेली जयन्ती थापा । उनले अमेरिकामा पसिना चुहाएर कमाएको पैसामध्ये बर्सेनि ६ लाख रुपैयाँ नेपालमा समाजसेवामा खर्च गर्ने गरेकी छन् ।
सन् २०१० मा अमेरिकाको भर्जिनियामा गएकी समाजसेवी जयन्तीले धेरै स्थानमा सहयोग गरिसकेकी छन् । उनले वीरेन्द्रनगरमा रहेको जनजागृत आधारभूत विद्यालय पदमपुरमा बुवाआमाको नामबाट १ लाख रुपैयाँको अक्षय कोष स्थापना गरेकी छन् । कोषबाट हरेक वर्ष २–२ जना विद्यार्थीले पढाइमा सहयोग पाइरहेका छन् ।
थापाले माध्यमिक तहसम्म अध्ययन गरेको अमरज्योति नमूना माध्यमिक विद्यालय नेवारेमा ३ लाख रुपैयाँको अक्षयकोष स्थापना गरेकी छन् । कोषको रकमबाट ६ जना गरीब, विपन्न तथा जेहेन्दार बालबालिकालाई छात्रवृत्ति प्रदान गरिँदै आएको छ ।
थापाले जनजागृत आधारभूत विद्यालय पदमपुरमा ३ जना विद्यार्थीको सम्पूर्ण पढाइ खर्च पनि व्यहोर्दै आएकी छन् । विद्यार्थीलाई पोशाक, कापी, कितावसहित शैक्षिक सामग्रीदेखि विद्यालयमा लाग्ने सम्पूर्ण खर्च व्यहोर्दै आएकी छन् ।
आर्थिक अभावले गर्दा विद्यालय छोड्ने अवस्थामा पुगेका बालबालिकाको पहिचान गरी पढाउने जिम्मा लिँदै आएकी थापाले विभिन्न कक्षामा पढिरहेका बालबालिकाको लागि हरेक वर्ष करीब १ लाख रुपैयाँ खर्च गरिरहेकी छन् ।
अमेरिकामा रहेकी समाजसेवी जयन्ती थापाले २० जना बालबालिकालाई पढाउँदै आएकी छन् । आर्थिक सहयोगमा रुकुमका कालिका आधारभूत विद्यालय सुन्दरपानी, दिपज्योति आधारभूत विद्यालय र बालकल्याण माध्यमिक विद्यालयमा १–१ जना विपन्न विद्यार्थीलाई अध्यापन गराइरहेकी थापाले रुकुमकै कमल माध्यमिक विद्यालय हर्दिगाउँका २ जना, जाजरकोटको नारायण माध्यमिक विद्यालय कार्कीगाउँमा ४ जना गरीब विद्यार्थीलाई आर्थिक सहयोग गर्दै उज्यालो भविष्यका लागि खर्च गरिरहेकी छन् ।
जाडोयाममा दैलेखका ३ वटा विद्यालयका विद्यार्थीलाई शैक्षिक सामग्रीका साथै स्वीटर लगायतका न्यानो कपडा समेत उनले प्रदान गरेकी छन् । उनले सुदूरपश्चिमको कैलाली जिल्लाका शारीरिक रुपमा अशक्त र मानसिक रुपमा पीडित सडक बालबालिकालाई पनि सहयोग गरेकी छिन् ।
शुरूमा सन् २००८ ताका रुकुममा सिर्जनशील महिला विकास केन्द्र स्थापना गरेर समाजसेवामा लाग्न शुरू गरेकी थापा सन् २०१० मा डीभी परेर अमेरिकामा गइन् । उनलाई अमेरिकामा व्यवस्थित बन्न ३ वर्ष लागेको थापा बताउँछिन् ।
रुकुममा उनले ७ वटा घरलाई सिरक, डसना वितरण गरिन् भने ६८ मिटर सडक निर्माण समेत गरेकी छिन् । यति मात्रै होइन, त्यहाँका १२ जना अनाथ बालबालिकालाई सहयोगसमेत गरिन् ।
हालसालै उनले बाजुराको अनाथ गृहलाई १३ हजार रुपैयाँ र कालिकोटको पलाताका आगलागी पीडितलाई १५ हजार रुपैयाँ सहयोग गरेकी छिन् । सुर्खेतमा लामो समयदेखि पालमा बस्दै आइरहेका बाढीपीडितलाई ५० हजार रुपैयाँ बराबरको न्यानो कपडा वितरण गरेकी छन् ।
उनले अहिलेसम्म दैलेखका ३ विद्यालयमा सहयोग गरेकी छन् । उनले बहिरा विद्यार्थी र बाल मन्दिरमा रहेका ७५ जना विद्यार्थीलाई स्वीटर वितरण गरिन् । तरताङमा रहेको आधारभूत विद्यालयका ६८ जना विद्यार्थीलाई स्वीटर वितरण गरिन् ।
उनले अमेरिकामा बसेर भएपनि दूरदराजका दुःखी, अनाथ, असहायलाई विगत केही वर्षदेखि निरन्तर सहयोग गर्दै आइरहेकी छन् । उनलाई समाजसेवीको रुपमा कर्णालीले चिन्न थालिसकेको छ ।
उनले सामाजिक सञ्जालमार्फत् कुरा गर्दै भनिन्, ‘मैले गरेको सानो सहयोगबाट अभावमा तड्पिरहेका मनहरूलाई खुशी बनाउन चाहन्छु । उनीहरू पीडामा रहेको, छटपटाइरहेको देख्दा मन पग्लिन्छ । आत्मसन्तुष्टिका लागि मैले यस्तो गरिरहेकी छु ।’
विना कुनै स्वार्थले आत्मिक रुपमा दीनदुःखी, अनाथ र असहायको लागि सेवा गरिन्छ भने त्यो समाजसेवा भएको बताउँछिन् उनी । दैलेखमा जन्मिएर सुर्खेतमा बस्दै विवाह रुकुम पश्चिममा गरेकी थापाले आफूलाई सानैदेखि गरीब र दीनदुःखीको सेवा र सहयोग गर्ने भावना पैदा भएको बताइन् । समाजसेवी जयन्ती थापाले हरेक वर्ष ६ लाख रुपैयाँ विभिन्न क्षेत्रमा खर्च गर्दै आइरहेकी छन् ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...