काठमाडौं –प्रमुख प्रतिपक्षी दल नेपाली कांग्रेसका सांसद गगन थापाले अनशनरत डा. गोविन्द केसीको माग अनुसार चिकित्सा शिक्षा विधेयक पारित गर्ने विषयमा प्रधानमन्त्री केपी शर्मा ओलीलाई प्रश्न गरेका छन् ।

प्रतिनिधि सभा बैठकमा शुक्रवार भएको प्रश्नोत्तर कार्यक्रममा कांग्रेस सांसद थापाले प्रधानमन्त्री पदको विश्वसनीयतालाई जोगाउने कि ढल्न दिने भन्दै प्रश्न गरेका हुन् ।

‘सरकार र डा. केसीबीच भएको सम्झौता तोडमोड गरेर संसदीय समितिले तयार गरेको प्रतिवेदनका सन्दर्भमा डा. केसीको ९५ प्रतिशत माग पूरा भइसके, केही मात्र बाँकी हो भन्ने रकमी कुरामा, जाली कुरामा र कुतर्कमा नअल्मलिइ संसदीय प्रक्रियाबाट विधेयक पारित गर्न प्रधामनन्त्रीज्यूले चाहाना मात्र राख्नुभयो भने सहज ढंगबाट यस्तो हुने अवस्था छ । समितिले सहमतिलाई बदल्यो, सहमतिलाई सरकारले चाह्यो भने यो सदनले सजिलै बदल्न सक्छ, यस्तो किन नगर्ने ?’ गगनले संसद्‍मा प्रधामनन्त्रीलाई प्रश्न गरे, ‘विषय विधेयकको होइन, संसदीय प्रक्रियाको होइन, प्रधामनन्त्रीको वचनको हो । प्रधानमन्त्री व्यक्ति होइन संस्था हो । त्यसैले सम्माननीय सभामुख महोदय, यहाँ चिन्ता गोविन्द केसी ढल्लान् भन्ने होइन चिन्ता प्रधामनन्त्री संस्था प्रतिको विश्वास गर्ल्यामगुर्लुम ढल्ला भन्ने हो । सम्माननीय सभामुखमार्फत् सम्माननीय प्रधानमन्त्रीज्यूलाई सोध्न चाहन्छु– यो विश्वासलाई जोगाउने कि ढल्न दिने ?’

हेर्नुहोस् प्रधानमन्त्रीको जवाफ :

डा. केसीको मागबारे प्रधानमन्त्रीको जवाफ- एउटा व्यक्तिको लहडले देश चल्दैन