काठमाडौं – प्रधानमन्त्री केपी शर्मा ओलीले बुद्धिजीवीप्रति फेरि एक पटक निशाना साँधेका छन् ।

हरेक नेपालीलाई जलविद्युत्को शेयर धनी बनाउने उद्देश्यले सरकारले ल्याएको ‘जनताको जलविद्युत् आयोजना’ कार्यक्रम घोषणा गर्दै प्रधानमन्त्री ओलीले बुद्धिजीवीहरूबाट हैरान भएको बताए ।

जे कुरा गर्दा पनि आधार खोजिएको भन्दै प्रधानमन्त्री ओलीले भने, ‘बौद्धिक उचाईसँग पनि हैरान भइयो । तासेले तास फिटेभन्दा बढ्ता कुरा फिटेको देख्दा अचम्म लाग्छ ।’

प्रधानमन्त्री ओलीले थपे, ‘आधार देख्नुभएन, नेपालको इतिहासमा कहिल्यै सुन्नुभाथ्यो यति तीव्रताका साथ योजनाहरू अघि बढाएको ?’