काठमाडौं- सिटिजन्स बैंक इन्टरनेसनल लिमिटेडले मकवानपुर जिल्लाको मनहरी गाउँपालिका-९ रजैयामा एक्सटेनसन काउन्टरको स्थापना गरेको छ ।

उक्त एक्सटेन्सन काउन्टरको आरम्भ समारोहमा सरकारी कर्मचारी, उद्योगी, व्यापारी, विभिन्न संघ संस्थाका प्रतिनिधि तथा नागरिक समाजका अगुवाहरूको बाक्लो उपस्थिति रहेको थियो ।

बैंकले यसअघि नै मकवानपुरको हेटौंडा तथा मनहरी गरेर दुई स्थानमाआफ्ना शाखा कार्यालयहरू स्थापना गरिसकेको छ । उक्त रजैया एक्सटेन्सन काउन्टरबाट बैंकले उक्त क्षेत्रका ग्राहकहरूलाई बैंकले नगद जम्मा तथा भुक्तानी गर्ने, रेमिटेन्स भुक्तानी गर्ने तथा पठाउने, चेक क्लियरिङ गर्ने, ए.बि.बि.एस. सुविधालगायत विभिन्न बैंकिङ्ग सेवाहरू उपलब्ध गराउने बैंकले जनाएको छ ।

बैंकको देशभर ८१ वटा शाखा, ७५ वटा एटीएम र ९९ वटा शाखारहित बैंकिङ्ग एकाईहरू सेवा प्रदान गर्दै आएको छ ।