मंसिर २, २०८०
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
काठमाडौ- परिवारको कुनै सदस्यसँगको बिछोड, बीचमा नायक–नायिकाको प्रेम अनि अन्त्यमा पुनः बिछोडिएका सँगको मिलन । केही वर्ष अघिसम्म हामीले यस्ता कथामा निर्मित थुप्रै नेपाली फिल्म हेरिसकेका छौं ।
तर हालैका वर्षमा चाहिँ यस्ता कथामा विरलै फिल्म बनेका होलान् ।
शुक्रवार अर्थात् आजबाट प्रदर्शनमा आएको फिल्म ‘लभ स्टेशन’ भने पुराना रोमान्टिक फिल्मका जस्तै कथामा बनाइएको छ । यो फिल्म हेरेपछि दर्शकलाई पुराना रोमान्टिक फिल्मको झल्को आउनेछ ।
फिल्मभित्र पारिवारिक बिछोड अनि मिलनको कथा त छ नै । निर्देशक उज्ज्वल घिमिरेले इलाम र दार्जीलिङको पृष्ठभूमिमा प्रेमकथा, गीतसंगीत, द्वन्द्व लगायतका पाटोलाई रोमाञ्चक ढंगले पस्केका छन् ।
फिल्मको पोस्टर र ट्रेलर हेर्दा लाग्न सक्छ, ‘लभ स्टेशन’ प्रेमजोडीको कथा हो ।
तर यो त आमाबुवा र छोरीबीचको कथा हो । कथाभित्र प्रेम, रोमान्स, हाँसो, रोदन र द्वन्द्वका सबै मसला प्रयोग गरिएको छ ।
रानी (जसिता गुरुङ) फिल्मको केन्द्रीय भूमिकामा छिन् ।
इलाममा जन्मिएकी उनी बच्चैमा अपहरणमा पर्छिन् र दार्जिलिङ पुर्याइन्छिन् ।
उदय (रमेश बुढाथोकी)ले बालिकाको अपहरण गर्न लगाएका हुन्छन् । बालिका हुर्कंदै, बढ्दै जान्छिन् र जवान हुन्छिन् । उनको नजरमा उदय नै बुवा हुन्छन् । उदय छोरी रानीको बिहे आफ्नै बिजनेस पार्टनर अर्जुन (प्रकाश शाह)सँग गराइदिने सुरसारमा हुन्छन् । रानी अर्जुनसँग नजिकिएकी पनि हुन्छिन् । तर अर्जुनको चरित्रलाई लिएर सन्तुष्ट भने हुँदिनन् । त्यसैक्रममा ‘इन्ट्री’ हुन्छ, सागर (प्रदीप खड्का)को । उनी दार्जिलिङमा रहेको ‘लभ स्टेशन’ नामको एक रेस्टुरेन्टमा गीत गाउने गर्छन् ।
खासमा सागर एक उद्देश्यले दार्जिलिङमा बसिरहेका हुन्छन् ।
रानी सागरसँग क्रमश नजिकिँदै जान्छिन् । तर उनीहरूबबीच बढ्दै गएको निकटतामा अर्जुन तगारो बन्छन् ।
दार्जीलिङका उदयले किन इलामबाट अबोध बालिकाको अपहरण गरेका हुन् ? अर्जुनको तगारोका बीच रानी र सागरको सम्बन्ध कसरी अगाडि बढ्छ ? अनि सागरको उद्देश्य पूरा हुन्छ/हुँदैन? रानीको आफ्ना बुवा–आमासँग मिलन हुन्छ/हुँदैन ? पूरा फिल्म हेरेपछि मात्र यी प्रश्नहरूको जवाफ पाइन्छ ।
मध्यान्तरसम्म फिल्म आफ्नो लयमा बगेको छ । मध्यान्तरपछिका केही दृश्यहरू काँटछाँट गरेको भए फिल्म अझै राम्रो बन्थ्यो ।
कथामा आउने केही ट्विस्ट एवं मोडहरूले भने दर्शकमा कौतुहल ल्याउँछन् ।
फिल्ममा समावेश गरिएका गीतसंगीत आकर्षक छन् । इलाम र दार्जीलिङको लोकेसन फिल्मको अर्को आकर्षक पक्ष हो । तर सिनेम्याटोग्राफी औसत छ ।
फिल्ममा प्रदीप र जसितादेखि भिलेनको भूमिकामा देखिएका अर्जुन (प्रकाश शाह), ममता (प्रिया रिजाल), रानी अर्थात् जसिताका बुवाआमाको भूमिकामा देखिएका हरिकृष्ण (रवि डंगोल) र राधा (सिरु विष्ट) अनि प्रहरीको भूमिकामा देखिएका ज्योति काफ्लेले पनि आफ्नो भूमिका राम्रैसँग निर्वाह गरेका छन् । तर पुराना निर्देशक उज्ज्वल र अहिलेको युवा पुस्तामाझ लोकप्रिय अभिनेता प्रदीपबाट दर्शकले यसभन्दा उत्कृष्ट फिल्मको अपेक्षा गरेका हुन्छन् ।
युवापुस्ता उनीबाट पुरानो ढर्राको कथा नभई नौलो किसिमको कथामा अभिनय गरेको हेर्न चाहन्छन् । त्यसैले प्रदीपबाट नवीनता खोज्ने दर्शक भने फिल्मबाट केही निराश हुनसक्छन् ।
तर समग्रतामा हेर्दा पारिवारिक प्रेमकथामा एउटा औसत फिल्म बनेको भन्नुपर्छ । फिल्म हेरिरहँदा दर्शकले केही वर्षपहिले हेरेका फिल्मको झल्को पाउनेछन् । फिल्म एकपटक हेर्नका लागि सिफारिश गर्न सकिन्छ ।
फिल्म : लभ स्टेशन
कलाकार : प्रदीप खड्का, जसिता गुरुङ, रमेश बूढाथोकी, अर्जुन शाह लगायत
निर्देशक : उज्ज्वल घिमिरे
विधा : पारिवारिक प्रेमकथा
फिल्म अवधि : २ घन्टा
रेटिङ : ५ मा २.५
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...