काठमाडौं – महंगीको समस्या झेलिरहेको पाकिस्तानमा दैनिक उपभोग्य वस्तुको मूल्यले आकाश छोएका कारण सर्वसाधारण अत्यन्तै मारमा परेका छन् । 

तरकारी र इन्धनको मूल्य त पहिलेदेखि नै महंगो थियो तर अहिले दूधको दाम पनि निकै बढेको छ । पाकिस्तानमा अहिले दूधको मूल्य लिटरकै २०० देखि ३०० रुपैयाँ पुगेको छ । 

कराँची डेयरी फार्मर्स एसोसिएसनले दूधको दाममा ३७ रुपैयाँ बढाएको छ । पशुहरूलाई खुवाउने चारा र इन्धनको मूल्य निकै बढेकाले दूधको भाउ बढाउनुपरेको एसोसिएसनको स्पष्टोक्ति छ ।

बीबीसी हिन्दीबाट