एजेन्सी- इन्डियन प्रिमियर लिग (आईपीएल) को १२ औं संस्करणमा रोयल च्यालेन्जर्स बैंगलोरको प्रदर्शन नाजुक नै छ । हालसम्म टीमले ८ खेलमा ७ खेल गुमाइसकेो छ । रोयल च्यालेन्जर्स बैंगलोर (आरसीबी) अंक तालिकाको अन्तिममा छ । त्यसैकारण पनि यतिबेला सबैको निशाना कप्तान विराट कोहलीमाथि छ । मानिसहरूले उनको कप्तानीमाथि प्रश्न उठाउँदै आलोचना गरिरहेका छन् । 

पूर्वअस्ट्रेलियाली क्रिकेटर तगा कोलकाता नाइट राइडर्सका ब्याटिङ प्रशिक्षक साइमन क्याटिसले पनि विराट कोहलीको कप्तानीमाथि प्रश्न उठाएका छन् । 

साइमनका अनुसार विराट कोहली कप्तानको रूपमा अझै पनि सिकिरहेका छन् । क्याटिसले शुक्रवार कोलकाता र आरसीबीबीच हुने म्याचको पूर्वसन्ध्यामा भनेका हुन् । 

क्याटिसले भने, 'विराटले एउटा ग्रुपलाई कुन तरिकाले सम्हाल्छ भन्ने मलाई थाहा छ । विराट सायद कप्तानको रूपमा अझै पनि सिकिरहेका छन् ।'

कप्तानीमाथि प्रश्न उठाएपनि उनले कोहलीलाई एक शानदार ब्याट्सम्यान भनेका छन् । उनले ३० मेबाट शुरू हुने विश्वकपमा कोहलीलाई महेन्द्रसिंह धोनीले मार्गदर्शन गर्ने बताए । उनले थपे, 'एक खेलाडीको रूपमा कोहली सर्वकालिक महान् ब्याट्सम्यान हुन् । यसमा कुनै दुई मत छैन ।