काठमाडौं- प्रभु बैंक लिमिटेडले आफ्नो नयाँ शाखा काठमाडौंको शंखरापुर-७ स्थित साँखुमा सञ्चालनमा ल्याएको छ । 

उक्त शाखाको उद्घाटन आइतवार शंखरापुर नगरपालिकाका मेयर सुवर्ण श्रेष्ठले गरेका थिए ।

बैंकको साँखु शाखा कार्यालय उद्घाटन कार्यक्रमको अवसरमा विभिन्न सरकारी कार्यालयका प्रतिनिधिहरू, विभिन्न राजनैतिक दलका प्रतिनिधिहरू, उद्योग वाणिज्य संंघका पदाधिकारीहरू, विभिन्न संघ संस्थाका प्रतिनिधिहरू,स्थानीय व्यापारी, बुद्धिजीवीलगायत ठूलो संख्यामा सर्वसाधारणहरुको उपस्थिति रहेको थियो ।

प्रभु बैंकको साँखु शाखा कार्यालयबाट त्यहाँका स्थानीय तहका सेवाग्राही, सर्वसाधारणहरू, विभिन्न किसिमका फर्म, कम्पनी तथा संघ संस्थाहरूले प्रभु बैंकको गुणस्तरीय एवं अत्याधुनिक प्रविधियुक्त सेवा उपभोग गरी लाभान्वित हुनेछन् र समग्र नगरवासीहरूको आर्थिक विकासमा टेवा बैंकले विश्वास लिएको छ ।