काठमाडौं – बेलायती राजकुमार ह्यारी र मेगन मार्कल केही समयअघिबाट विन्डसर फ्रगमोर कटेजमा सरेका छन् । तर उनीहरूले एउटा नयाँ कदम चाल्ने योजना बनाइरहेका छन् । 

शाही परिवारको मिडिया सूत्रले जनाएअनुसार, ह्यारी र मेगन सन् २०२० सम्ममा बेलायत छोड्न सक्छन् । उनीहरू अहिले सन्तानको प्रतीक्षा गरिरहेका छन् । मेगन गर्भवती छिन् । 

बच्चा जन्मेपछि उनीहरू अफ्रिकाको कुनै मुलुकमा सर्ने तयारीमा रहेको बताइएको छ । मेगनले मे महिनाको शुरूआतमा शाही परिवारको नयाँ सदस्यलाई जन्म दिने सम्भावना छ । 

द सन्डे टाइम्सको एक रिपोर्टअनुसार, ह्यारी र मेगनलाई एक प्रमुख अन्तर्राष्ट्रिय जागिर दिइनेछ । 

त्यसपछि शाही जोडी बच्चा जन्मेपछि विदेश जानेछ । उनीहरूले आफ्नो योग्यताको उपयोग अफ्रिकामा गर्ने सम्भावना बढी रहेको बताइएको छ । 

बकिङघम प्यालेसले यी सबै खबरलाई अस्वीकार नगरेकाले ह्यारी र मेगन अफ्रिका जाने नै देखिएको छ ।

एजेन्सी