बुटवल- सिद्धार्थ राजमार्ग अन्तर्गत बुटवल पाल्पा सडक खण्डको सिद्धबाबा मन्दिर नजिकै पहिरोमा मोटरसाइकल परेको छ ।

ढुंगासहितको पहिरोले मोटरसाइकल र त्यसमा सवार एक युवा पहिरोमा परेका हुन् । 

इलाका प्रहरी कार्यालय बुटवलका प्रमुख भिमलाल भट्टराईले मोटरसाइकल तिनाउ खोला र एक जना युवाको ‘बडी’ खोलामाथि भीरमा अड्किएको बताए ।

अहिले प्रहरी घटनास्थलतर्फ गइरहेको छ । मोटरसाइकलमा कति जना सवार थिए भन्नेबारे विस्तृत विवरण आउन सकेको छैन ।

पहिराले ३ बजेदेखि बुटवल पाल्पा हुँदै विभिन्न जिल्लामा छुट्ने गाडीहरू बुटवलको तल्लो शिद्धबाबा र बुटवलतर्फ आउँदै गरेका गाडीहरू पाल्पाको दोभानमा रोकिएको छ ।