तोकिएको समयमा निर्माण हुन नसकेपछि गौतमबुद्ध विमानस्थलको म्याद ६ महिना थप

असार २९, २०७६

बुटवल - गौतमबुद्ध अन्तर्राष्ट्रिय विमानस्थल निर्माणको अवधि ६ महिना थप गरिएको छ । अहिलेसम्म गरेर आयोजनाको अवधि तेस्रो पटक थपिएको आयोजना प्रमुख प्रवेश अधिकारीले बताए । 

तोकिएको समयमा निर्माण सम्पन्न नभएपछि गौतमबुद्ध अन्तर्राष्ट्रिय विमानस्थल निर्माण आयोजनाका अनुसार विमानस्थलको निर्माण अवधि डिसेम्बर २०१९ का लागि थपिएको हो ।


ADVERTISEMENT

२८ जुन २०१९ सम्म सक्ने लक्ष्य लिएको आयोजनाले यसअघि डिसेम्बर २०१७ मा सक्नुपर्ने हो । सन् २०१७ को डिसेम्बरमा सम्पन्न गर्नेगरी शुरू गरिएको विमानस्थलमा २०७२ को भूकम्प र मधेश आन्दोलनको अवरोधले सन् २०१८ को जुन सम्ममा सम्पन्न गर्नेगरी म्याद थप गरिएको थियो । त्यसपछि बढाएर २८ जुन २०१९ मा सक्ने लक्ष्य लिएपनि केही काम बाँकी रहेपछि तेस्रो पटक समय थप भएको छ ।

आयोजना प्रमुख प्रवेश अधिकारीका अनुसार विमानस्थल दुई चरणमा बनिरहेको छ । आइसिपी १ र आइसिपी २ गरि निर्माण भएको विमानस्थलको केही काम बाँकी रहेका कारण म्याद थप भएको अधिकारीले बताए ।  आइसिपी १ अन्तर्गत धावनमार्ग, टेक्सी वे, टर्मिनल बिलडिङ लगायत संरचना निर्माण रहेको छ । आइसिपी २ अन्तर्गत हवाइजहाज पाइलट र विमानस्थलबीचको समन्वयका लागि प्रविधि निर्माण भइरहेको छ ।

अहिले आइसिपी २ को कामको अवधी ६ महिना बाँकी रहे पनि आइसिपी १ को म्याद सकिएकोले निर्माण अवधी थपिएको हो । आइसिपी २ निर्माण नसकिएसम्म विमानस्थल शुरु नहुने हुनाले अहिले अवधी थपिएको हो अधिकारीले भने । समग्र रुपमा हेर्ने हो भने विमानस्थल संचालनमा यसले फरक पार्दैन योजना प्रमुख अधिकारीले भने ।

विमानस्थलको निर्माण कार्य ७४ प्रतिशत सकिएको उनले बताए । धावनमार्ग निर्माण केही समय अघि सकिएको विमानस्थलमा अहिले टर्मिनल भवनमा छाना हाल्ने काम चलिरहेको छ ।  अब केही समयमै टर्मिनल भवन लगायत संरचनामा उपकरण जडानको काम शुरु हुनेछ जसका लागी पुर्वाधार निर्माण हुदैछ ।

उपकरण जडानको लागी युरोप र अमेरिका बाट उपकरण ल्याउनुपर्ने हुदा भंसार बाट आयात र ढुवानीको सहजतामा सरकारले ध्यान दिनु पर्ने बताए । उपकरण समयमै नआए निर्माणमा समस्या सिर्जना हुन सक्ने अधिकारीले भने ।

एसियाली विकास बैंक (एडीबी) को ऋण सहयोगमा सुरु भएको विमानस्थल  निर्माणकार्य चिनिया“ कम्पनी नर्थ वेस्ट सिभिल एभिएसन एअरपोर्ट कन्स्ट्रक्सनले गर्दै आएको छ । (३१ डिसेम्बर २०१४ ) का दिन तत्कालिन प्रधानमन्त्री शुशिल कोइरालाले विमानस्थल निर्माण कार्यको शिलान्यास गरेका थिए ।  एसियाली विकास बैंक (एडीबी) को ऋण सहयोगमा सुरु भएको विमानस्थल  निर्माणकार्य चिनिया“ कम्पनी नर्थ वेस्ट सिभिल एभिएसन एअरपोर्ट कन्स्ट्रक्सनले २०१७ डिसेम्बर ३१ सम्म सम्पन्न गर्नु पर्ने गरी सहमती भएको हो  ।

नर्थ वेस्ट कम्पनिले ६ अर्ब २२ करोड ५१ लाख २० हजार दुई सय २७ रुपैया“मा  सम्पन्न गर्ने गरी ठेक्का लिएको थियो । त्रिभुवन अन्तराष्ट्रिय बिमान स्थलको बिकल्पका रुपमा रहेको गौतमबुद्ध अन्तराष्ट्र्रिय विमानस्थल छिटो निमार्ण कार्य सम्पन्न गर्न भैरहवा बासीले माग गरेका छन् ।

 

असार २९, २०७६ मा प्रकाशित

प्रतिक्रिया दिनुहोस