काठमाडौं – सन् २०१३ मा रियाल मड्रिड क्लबमा स्टार खेलाडीका रूपमा भित्रिएका ग्यारेथ बेलले क्लबबाट बिदाइ लिन लागेका छन् । 

उनको अपमानजनक बिदाइ हुन लागेको हो । जिनेदिन जिदान क्लबको पुनः एकपटक प्रशिक्षक भएपछि बेलको हैसियत क्लबमा कमजोर बनेको थियो । 

इन्टरनेसनल च्याम्पियन्स कपमा बायर्न म्युनिखविरुद्धको खेलपछि जिदानले बेल अब क्लबबाट बाहिरिन लागेको र जति छिटो बाहिरिन्छन् त्यति राम्रो भएको बताए । 

सन् २०१३ मा बेललाई डेभिड बेकहमको ठाउँमा बेललाइृ ल्याइएको थियो । 

बेललाई रियाल मड्रिडका फ्यानहरूले कहिल्यै स्वीकार्न सकेनन् । उनीहरूको मस्तिष्कमा बेल बेकहमको ठाउँमा आएका भन्ने टाप पर्‍यो । त्यसैले बेललाई गोल गरे पनि खासै समर्थन प्राप्त हुन गरेको थिएन । 

बेल पनि रियाल मड्रिडको आक्रामक संस्कृतिमा ढल्न सकेनन् । उनी निजी जीवन मन पराउने र लजालु किसिमका खेलाडी हुन् । 

बेल कतिपटक त टीम डिनरमा समेत पुग्दैनथिए । त्यसैले पनि रियालका प्रशंसकहरू उनी बाहिरिँदा पनि तनावमा छैनन् । 

बेलले क्लबलाई १३ ट्रफी जिताए । च्याम्पियन्स लीगका दुई फाइनलमा बेलले गोल पनि गरेका छन् । उनले क्लबका लागि खेलेको कुल २३१ खेलमा १०२ गोल गरेका छन् ।

एजेन्सी