काठमाडौँ -प्रधानमन्त्री केपी शर्मा ओलीले आफ्नो स्वास्थ्यस्थिति सामान्य रहेको बताएका छन् । स्वास्थ्योपचारका लागि १० दिन सिंगापुर रहेका प्रधानमन्त्री ओली सोमवार स्वदेश फर्केलगत्तै एक ट्वीट गरेर आफू सामान्य रहेको बताएका हुन् ।

ट्वीटमार्फत उनले आफ्नो स्वास्थ्योपचारमा संलग्न सबै चिकित्सकमाथि आभार प्रकट गर्दै स्वास्थ्यलाभको कामना गर्ने सबैलाई धन्यवाद दिएका छन् ।

उनले ट्वीटमा भनेका छन्, 'सिंगापुरमा स्वास्थ्य परीक्षण गरी आज फर्किएको छु । मेरो स्वास्थ्य सामान्य रहेको छ । परीक्षणमा संलग्न सबै चिकित्सकप्रति आभार व्यक्त गर्दछु । मेरो स्वास्थ्य स्थितिप्रति चासो राखी चिन्ता व्यक्त गर्ने तथा स्वास्थ्यलाभको कामना गर्नु हुने सवै दिदीबहिनी-दाजुभाईहरूलाई धन्यवाद दिन चाहन्छु ।'

सिंगापुरमा स्वास्थ्य परिक्षण गरी आज फर्किएको छु। मेरो स्वास्थ्य सामान्य रहेको छ।
परिक्षणमा संलग्न सबै चिकित्सकप्रति आभार व्यक्त गर्दछु।
मेरो स्वास्थ्य स्थितिप्रति चासो राखी चिन्ता व्यक्त गर्ने तथा स्वास्थ्यलाभको कामना गर्नु हुने सवै दिदीबहिनी-दाजुभाईहरूलाई धन्यवाद दिन चाहन्छु।

— K P Sharma Oli (@kpsharmaoli) August 12, 2019