थुप्रै घरमा विमानका टुक्रा खसेपछि हंगामा

साउन २९, २०७६

काठमाडौं – इटलीको राजधानी रोममा अनेकौं घरमा विमानका टुक्रा खसेका छन् । 

एक अन्तर्राष्ट्रिय विमानमा खराबी आएपछि यसो भएको हो । 


ADVERTISEMENT

नर्वेजियन एयरलाइन्सका एक प्रवक्ताले युरोन्युजसँग विमान खराब भएको पुष्टि गरेका छन् । 

घटनाको अनुसन्धान भइरहेको छ । रोमबाट अमेरिकाको लस एन्जिलिस जाँदै गरेको विमानमा प्राविधिक गडबडी आएपछि बीचैबाट फर्किनुपरेको थियो । 

विमानबाट चोइटिएर खसेका टुक्राका कारण २५ कार र १२ घर क्षतिग्रस्त भए । ५४ वर्षीय एक व्यक्तिले आफूमाथि एक टुक्रा खसेको तर चोट नलागेको बताए । 

मिडिया रिपोर्टमा चारदेखि आठ इन्चका टुक्रा सडकमा छरिएको अवस्थामा भेटेको बताइएको छ । मानिसहरूले यसमा तत्काल कारवाही गर्नुपर्ने बताएका छन् ।

एजेन्सी

साउन २९, २०७६ मा प्रकाशित

प्रतिक्रिया दिनुहोस