फागुन २९, २०८०
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काठमाडौं – सरकारले निर्यात प्रवद्र्धनलाई सहजीकरण गर्ने उद्देश्यले आयात/निर्यातसँग सम्बन्धित सम्पूर्ण जानकारी समेटिएको ‘नेपाल व्यापार सूचना पोर्टल’ सञ्चालनमा ल्याएको छ ।
व्यापार र निर्यात प्रवद्र्धन केन्द्रले निर्माण गरेको सो पोर्टलको बिहीवार उद्योग, वाणिज्य तथा आपूर्ति मन्त्रालयमा आयोजित कार्यक्रममा उद्योगमन्त्री मात्रिकाप्रसाद यादवले शुभारम्भ गरे ।
सो प्रणाली सञ्चालनमा आएसँगै ‘रियल टाइम’मा वास्तविक तथ्यांक एकैपटक हेर्न सकिने छ । व्यापार सूचना प्रणाली सञ्चालनमा आएसँगै भ्रष्टाचार तथा अनियमिताको न्यूनीकरण गर्ने अपेक्षा गरिएको छ ।
सो प्रणालीमा आयात तथा निर्यातसँग सम्बन्धित व्यवसायीले एकै थलोबाट सम्पूर्ण जानकारी प्राप्त गर्नेछन् । व्यापार पोर्टलमा निर्यातसँग सरोकार भएका निकायलाई पनि जोडिएको छ । निर्यात व्यवसायसँग सम्बन्धित अन्तर्राष्ट्रिय संस्थालाई पनि पोर्टलमा जोडिएको छ ।
व्यापार सूचना पोर्टलमा आयात, निर्यातसँग सम्बन्धित कानून, प्रक्रिया, निर्यात निर्देशिका, सम्भावित बजार, अहिले नेपालबाट निर्यात भइरहेका उत्पादन, आयात तथा निर्यातकर्ताको विवरण, त्यससँग सम्बन्धित सरकारी निकायको विवरण पनि राखिएको छ । विभिन्न मुलुकसँग भएका व्यापार सम्झौता पनि समेटिएको छ ।
पोर्टलको शुभारम्भ गर्दै मन्त्री यादवले आयात/निर्यात व्यवसायलाई सहजीकरण गर्न सरकारले उक्त प्रणाली सञ्चालनमा ल्याएको बताउँदै व्यवसायीलाई यसको भरपूर प्रयोग गर्न आग्रह गरे । प्रविधिको प्रयोगबाट सुशासन प्रवद्र्धनमा टेवा पुग्ने बताउँदै उनले निर्यात प्रर्वद्धनमा सहजीकरण गर्न सरकार तयार रहेको बताए ।
‘प्रविधिको प्रयोगले सुशासनलाई ठूलो टेवा पुर्याउने काम गर्छ,’ उनले भने, ‘अनलाइन प्रणाली शुभारम्भ भएसँगै हाकिमलाई खुश पार्नुपर्नै अवस्थाको अन्त्य भएको छ ।’
वाणिज्य सचिव वैकुण्ड अर्यालले व्यापार पोर्टल सञ्चालनमा आएसँगै सूचना आदानप्रदान गरी व्यापार सहजीकरण गर्न सघाउन पुग्ने विश्वास व्यक्त गरे । ‘यसले व्यवसायीलाई बजारको खोजी गर्न पनि सहज पुग्ने छ,’ उनले भने, ‘व्यापार प्रवद्र्धन गर्न पनि सहयोग मिल्ने छ ।’
कार्यक्रममा घरेलु तथा साना उद्योग महासंघका महासचिव डम्बरप्रसाद रेग्मीले व्यापार सूचना पोर्टल सञ्चालनमा आएपछि नेपालको निर्यात क्षेत्रमा नयाँ शुरुआत भएको बताए । सरकार र निजी क्षेत्रको सूचनालाई एकीकृत गरेर लैजान उनले सुझाव दिए ।
व्यापार तथा निकासी प्रवद्र्धन केन्द्रका कार्यकारी निर्देशक शरदविक्रम राणाले सूचना पोर्टललाई थप प्रयोगकर्तामैत्री बनाउँदै लैजाने बताए । विश्व बैंकको सहयोगमा सो पोर्टलको निर्माण गरिएको हो ।
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...